മി​ഴി​തു​റ​ന്ന് ചാ​ല​ക്കു​ടി മേ​ൽ​പ്പാ​ലം

ചാ​ല​ക്കു​ടി: ദേ​ശീ​യ പാ​ത​യി​ൽ ചാ​ല​ക്കു​ടി മേ​ൽ​പ്പാ​ല​ത്തി​ന് മു​ക​ളി​ൽ വ​ഴി​വി​ള​ക്കു​ക​ൾ തെ​ളി​യി​ച്ചു. ഇ​തോ​ടെ രാ​ത്രി​യി​ൽ മേ​ൽ​പ്പാ​ല​ത്തി​ലെ യാ​ത്ര കൂ​ടു​ത​ൽ സു​ര​ക്ഷി​ത​മാ​യി. ശ​നി​യാ​ഴ്ച രാ​ത്രി​ സ​നീ​ഷ് കു​മാ​ർ ജോ​സ​ഫ് എം.​എ​ൽ.​എ​യാ​ണ് വ​ഴി വി​ള​ക്കു​ക​ളു​ടെ സ്വി​ച്ചോ​ൺ നി​ർ​വ​ഹി​ച്ച​ത്.

ഏ​റെ വ​ർ​ഷ​ങ്ങ​ളു​ടെ കാ​ത്തി​രി​പ്പി​ന് ശേ​ഷം ജൂ​ലൈ ആ​രം​ഭ​ത്തി​ലാ​ണ് ന​ഗ​ര​സ​ഭ ജ​ങ്ഷ​നി​ലെ അ​ടി​പ്പാ​ത നി​ർ​മാ​ണ​ത്തി​ന്റെ ഭാ​ഗ​മാ​യി മേ​ൽ​പ്പാ​ലം ഗ​താ​ഗ​ത​ത്തി​ന് തു​റ​ന്നു​കൊ​ടു​ത്ത​ത്. മു​ൻ ഇ​ട​ത് എം.​എ​ൽ.​എ ബി.​ഡി. ദേ​വ​സി​യു​ടെ​യും യു.​ഡി.​എ​ഫ് എം.​എ​ൽ.​എ സ​നീ​ഷ് കു​മാ​ർ ജോ​സ​ഫി​ന്റെ​യും നേ​തൃ​ത്വ​ത്തി​ൽ വെ​വ്വേ​റെ ജ​ന​കീ​യ ഉ​ദ്ഘാ​ട​ന​ങ്ങ​ൾ ന​ട​ത്തു​ക​യാ​യി​രു​ന്നു. എ​ന്നാ​ൽ പ​ണി​ക​ൾ പൂ​ർ​ണ​മാ​യും തീ​ർ​ന്നി​രു​ന്നി​ല്ല.

താ​ഴെ​യു​ള്ള അ​ടി​പ്പാ​ത​യു​ടെ​യും മേ​ൽ​പ്പാ​ല​ത്തി​ലെ വ​ഴി​വി​ള​ക്കു​ക​ളു​ടെ​യു​ടെ​യും വെ​ള്ളം ഒ​ഴു​കി​പ്പോ​കു​ന്ന പൈ​പ്പു​ക​ളു​ടെ​യും പ​ണി​ക​ൾ ക​ഴി​ഞ്ഞി​രു​ന്നി​ല്ല. മാ​സ​ങ്ങ​ൾ​ക്കു​ശേ​ഷം ഇ​പ്പോ​ഴാ​ണ് പ​ണി​ക​ൾ തീ​രു​ന്ന​ത്. ഭാ​ഗി​ക​മാ​യി ക​ത്തി​യ വ​ഴി​വി​ള​ക്കു​ക​ൾ പൂ​ർ​ണ​മാ​യും തെ​ളി​ഞ്ഞ​ത് ഇ​പ്പോ​ളാ​ണ്. എ​ന്നാ​ൽ റോ​ഡി​ന് ന​ടു​വി​ലെ ന​ഗ​ര​സ​ഭ ജ​ങ്ഷ​നി​ലെ ഹൈ​മാ​സ്റ്റ്‌ ലൈ​റ്റ് തെ​ളി​യാ​ത്ത​ത് ദു​രി​ത​മാ​യി തു​ട​രു​ക​യാ​ണ്.