ആ​ളു​ക​ളെ ക​ടി​ച്ച പൂ​ച്ച​ക്ക് പേ​വി​ഷ​ബാ​ധ; വി.​ആ​ർ. പു​ര​ത്ത് ആശങ്ക

ചാ​ല​ക്കു​ടി: വി.​ആ​ർ പു​ര​ത്ത് ആ​ളു​ക​ളെ ക​ടി​ച്ച പൂ​ച്ച​ക്ക് പേ​വി​ഷ​ബാ​ധ​യു​ള്ള​താ​യി വ്യ​ക്ത​മാ​യ​തി​നെ തു​ട​ർ​ന്ന് പ്ര​ദേ​ശ​ത്ത് പ​രി​ഭ്രാ​ന്തി. ര​ണ്ട് ദി​വ​സം മു​മ്പാ​ണ് അ​ല​ഞ്ഞു​തി​രി​ഞ്ഞു ന​ട​ന്ന ത​വി​ട്ടു നി​റ​ത്തി​ലു​ള്ള പൂ​ച്ച നാ​ലു​പേ​രെ ക​ടി​ച്ച​താ​യി പ​രാ​തി ഉ​യ​ർ​ന്ന​ത്. അ​വ​ശ നി​ല​യി​ലാ​യ പൂ​ച്ച​യെ പി​ന്നീ​ട് ഒ​രു വീ​ടി​ന്റെ പി​ന്നി​ൽ ച​ത്ത​നി​ല​യി​ൽ ക​ണ്ടെ​ത്തി. തു​ട​ർ​ന്ന് വാ​ർ​ഡ് കൗ​ൺ​സി​ല​ർ ഷി​ബു വാ​ല​പ്പ​ൻ മു​ൻ​കൈ​യെ​ടു​ത്ത് പോ​സ്റ്റു​മോ​ർ​ട്ടം ചെ​യ്യാ​നു​ള്ള ന​ട​പ​ടി സ്വീ​ക​രി​ച്ചി​രു​ന്നു.

പൂ​ച്ച​യു​ടെ പോ​സ്റ്റ്മോ​ർ​ട്ടം റി​പ്പോ​ർ​ട്ട് പോ​സി​റ്റീ​വ് ആ​യ​തോ​ടെ​യാ​ണ് ആ​ളു​ക​ളി​ൽ ഭീ​തി പ​ര​ന്ന​ത്. വി.​ആ​ർ. പു​രം വി​ല്ല​ന​ശ്ശേ​രി റോ​ഡ്, ത​ച്ചു​ട​പ​റ​മ്പ് റ​ബ​ർ തോ​ട്ടം റോ​ഡ് എ​ന്നി​വി​ട​ങ്ങ​ളി​ലാ​ണ് പൂ​ച്ച കൂ​ടു​ത​ലാ​യി സ​ഞ്ച​രി​ച്ച​താ​യി അ​റി​യു​ന്ന​ത്. പ​ല​രും വാ​ക്സി​നേ​ഷ​ൻ എ​ടു​ത്തി​ട്ടു​ണ്ട്. മൃ​ഗ​ങ്ങ​ളെ കെ​ട്ടി​യി​ട്ട് നി​രീ​ക്ഷി​ക്കു​ന്നു​മു​ണ്ട്. പൂ​ച്ച കൂ​ടു​ത​ൽ പേ​രെ ക​ടി​ച്ച​താ​യി സം​ശ​യ​മു​ണ്ട്. കൂ​ടാ​തെ മൃ​ഗ​ങ്ങ​ളെ​യും ക​ടി​ച്ച​താ​യി സം​സാ​ര​മു​ണ്ട്.

പൂ​ച്ച​യു​ടെ ഏ​തെ​ങ്കി​ലും രീ​തി​യി​ലു​ള്ള സാ​മീ​പ്യ​ത്താ​ൽ മു​റി​വേ​റ്റി​ട്ടു​ള്ള​വ​ർ ആ​വ​ശ്യ​മാ​യ വാ​ക്സി​നേ​ഷ​ൻ എ​ല്ലാ കോ​ഴ്സു​ക​ളും എ​ടു​ക്ക​ണ​മെ​ന്ന് ആ​രോ​ഗ്യ വി​ഭാ​ഗം അ​റി​യി​ച്ചു. ഈ ​പ്ര​ദേ​ശ​ങ്ങ​ളി​ലെ വ​ള​ർ​ത്തു​മൃ​ഗ​ങ്ങ​ൾ ഉ​ൾ​പ്പെ​ടെ​യു​ള്ള​വ​യെ കു​റ​ച്ച് ദി​വ​സം പ്ര​ത്യേ​കം ശ്ര​ദ്ധി​ക്ക​ണ​മെ​ന്നും നി​ർ​ദ്ദേ​ശ​മു​ണ്ട്. എ​ന്നാ​ൽ വാ​ക്സി​നേ​ഷ​ൻ എ​ടു​ത്ത വ്യ​ക്തി​ക​ൾ​ക്കും വ​ള​ർ​ത്തു​മൃ​ഗ​ങ്ങ​ൾ​ക്കും പ്ര​ശ്ന​ങ്ങ​ളൊ​ന്നു​മി​ല്ലെ​ന്ന് അ​ധി​കൃ​ത​ർ അ​റി​യി​ച്ചു.