മേ​ലൂ​രി​ൽ മ​ര ഉ​രു​പ്പ​ടി നി​ർ​മാ​ണശാ​ല​യി​ൽ വ​ൻ തീ​പി​ടി​ത്തം; ല​ക്ഷ​ങ്ങ​ളു​ടെ ന​ഷ്ടം

ചാ​ല​ക്കു​ടി: മേ​ലൂ​രി​ൽ മ​ര ഉ​രു​പ്പ​ടി നി​ർ​മാ​ണ​ശാ​ല​ക്ക് തീ​പി​ടി​ച്ച് ല​ക്ഷ​ങ്ങ​ളു​ടെ ന​ഷ്ടം. ന​ടു​ത്തു​രു​ത്ത് റോ​ഡി​ന​ടു​ത്ത​ ‘നെ​ല്ലി​ക്കു​ളം വു​ഡ് ഇ​ൻ​ഡ​സ്ട്രീ​സ്’ എ​ന്ന സ്ഥാ​പ​ന​ത്തി​ൽ തി​ങ്ക​ളാ​ഴ്ച പു​ല​ർ​ച്ചെ 3.30ഓ​ടെ​യാ​ണ് തീ ​പി​ടി​ച്ച​ത്. അ​ഗ്നി​ര​ക്ഷാ​സേ​ന ര​ണ്ട്​ മ​ണി​ക്കൂ​റെ​ടു​ത്താ​ണ്​ തീ ​കെ​ടു​ത്തി​യ​ത്. സ്ഥാ​പ​ന​ത്തി​ന്റെ ര​ണ്ട് മു​റി​ക​ളി​ൽ ഉ​ണ്ടാ​യി​രു​ന്ന മ​ര​സാ​മ​ഗ്രി​ക​ളും നി​ർ​മാ​ണ​ത്തി​ന് ഉ​പ​യോ​ഗി​ക്കു​ന്ന യ​ന്ത്ര​സാ​മ​ഗ്രി​ക​ളും ക​ത്തി​ന​ശി​ച്ചു.

നെ​ല്ലി​ക്കു​ളം ഡെ​ൻ​സി തോ​മാ​സി​ന്‍റെ ഉ​ട​മ​സ്ഥ​ത​യി​ൽ 19 വ​ർ​ഷ​ത്തോ​ള​മാ​യി ന​ല്ല നി​ല​യി​ൽ പ്ര​വ​ർ​ത്തി​ക്കു​ന്ന സ്ഥാ​പ​ന​മാ​ണ്. ആ​റ് ജീ​വ​ന​ക്കാ​രു​ണ്ട്. ഫ​ർ​ണി​ച്ച​റും ക​ട്ടി​ല, ജ​ന​ൽ തു​ട​ങ്ങി​യ വീ​ട്​ നി​ർ​മാ​ണ സാ​മ​ഗ്രി​ക​ളു​മാ​ണ് നി​ർ​മി​ക്കു​ന്ന​ത്. തേ​ക്ക് തു​ട​ങ്ങി​യ വി​ല​കൂ​ടി​യ മ​ര​ങ്ങ​ൾ ശേ​ഖ​രി​ച്ച്​ വെ​ച്ചി​രു​ന്നു. ഞാ​യ​റാ​ഴ്ച അ​വ​ധി​യാ​ണെ​ങ്കി​ലും പ​ക​ൽ സ്ഥാ​പ​നം വൃ​ത്തി​യാ​ക്കാ​ൻ ഉ​ട​മ സ്ഥ​ല​ത്തെ​ത്തി​യി​രു​ന്നു. വൈ​കീ​ട്ട് അ​ഞ്ചോ​ടെ​യാ​ണ് തി​രി​ച്ചു​പോ​യ​ത്. തി​ങ്ക​ളാ​ഴ്ച പു​ല​ർ​ച്ചെ സ​മീ​പ​ത്തെ വീ​ട്ടു​കാ​രാ​ണ്​ ഡെ​ൻ​സി തോ​മ​സി​നെ തീ​പ​ട​രു​ന്ന​താ​യി അ​റി​യി​ച്ച​ത്. ര​ണ്ട് മു​റി​യി​ലും തീ ​ആ​ളി​പ്പി​ടി​ച്ചി​രു​ന്നു. മേ​ൽ​ക്കൂ​ര​യി​ലെ ഷീ​റ്റു​ക​ൾ തീ ​ആ​ളി​ത്ത​ക​ർ​ന്നു.

ചാ​ല​ക്കു​ടി​യി​ൽ​നി​ന്നും അ​ങ്ക​മാ​ലി​യി​ൽ​നി​ന്നു​മാ​യി മൂ​ന്ന് അ​ഗ്നി​ര​ക്ഷ യൂ​നി​റ്റു​ക​ൾ എ​ത്തി​യാ​ണ്​ തീ​യ​ണ​ച്ച​ത്. 5.30ഓ​ടെ​യാ​ണ്​ തീ ​പൂ​ർ​ണ​മാ​യും കെ​ടു​ത്തി​യ​ത്. മ​ര സാ​മ​ഗ്രി​ക​ൾ സൂ​ക്ഷി​ച്ച​ മ​റ്റ് ര​ണ്ട് മു​റി​ക​ളി​ലേ​ക്കും ഭാ​ഗി​ക​മാ​യി തീ ​എ​ത്തി​യി​രു​ന്നു. തീ​പി​ടി​ത്ത​ത്തി​ന്റെ കാ​ര​ണം വ്യ​ക്ത​മ​ല്ല. സ്ഥാ​പ​നം പൂ​ട്ടി​പ്പോ​കു​മ്പോ​ൾ മെ​യി​ൻ സ്വി​ച്ച് ഓ​ഫാ​ക്കി​യി​രു​ന്ന​തി​നാ​ൽ ഷോ​ർ​ട്ട്​ സ​ർ​ക്യൂ​ട്ട​ല്ല കാ​ര​ണ​മെ​ന്ന് പ​റ​യു​ന്നു.