പുലിക്കളി സംഘത്തിന് പ്രഖ്യാപിച്ച കേന്ദ്രഫണ്ട് ലഭിച്ചില്ല;കൗ​ൺ​സി​ലി​ൽ പു​ലി​മു​ഖം ധ​രി​ച്ചെ​ത്തി പ്ര​തി​ഷേ​ധം

തൃ​ശൂ​ർ: പു​ലി​ക്ക​ളി സം​ഘ​ത്തി​ന് കേ​ന്ദ്ര സ​ഹ​മ​ന്ത്രി സു​രേ​ഷ് ഗോ​പി പ്ര​ഖ്യാ​പി​ച്ച സ​ഹാ​യ​ധ​നം ന​ൽ​കാ​ത്ത​തി​ൽ കോ​ർ​പ​റേ​ഷ​ൻ കൗ​ൺ​സി​ലി​ൽ പ്ര​തി​ഷേ​ധം.ക​ഴി​ഞ്ഞ പു​ലി​ക്ക​ളി​ക്ക് കേ​ന്ദ്ര​സ​ഹ​മ​ന്ത്രി സു​രേ​ഷ് ഗോ​പി പ്ര​ഖ്യാ​പി​ച്ച ധ​ന​സ​ഹാ​യം ഒ​രു വ​ർ​ഷ​ത്തോ​ട​ടു​ത്തി​ട്ടും ല​ഭ്യ​മാ​കാ​ത്ത​തി​ൽ പ്ര​തി​ഷേ​ധി​ച്ചാ​ണ് തൃ​ശൂ​ർ കോ​ർ​പ​റേ​ഷ​ൻ കൗ​ൺ​സി​ൽ യോ​ഗ​ത്തി​ൽ ഇ​ട​തു​പ​ക്ഷ അം​ഗ​ങ്ങ​ൾ പ്ര​തി​ഷേ​ധി​ച്ച​ത്. കൗ​ൺ​സി​ൽ യോ​ഗ​ത്തി​ലേ​ക്ക് പു​ലി​മു​ഖം ധ​രി​ച്ചെ​ത്തി​യാ​ണ് കൗ​ൺ​സി​ല​ർ​മാ​ർ വി​യോ​ജി​പ്പ് രേ​ഖ​പ്പെ​ടു​ത്തി​യ​ത്.

കേ​ന്ദ്ര ധ​ന​സ​ഹാ​യം വൈ​കു​ന്ന​തി​നെ​ച്ചൊ​ല്ലി ഭ​ര​ണ-​പ്ര​തി​പ​ക്ഷ ക​ക്ഷി​ക​ൾ ത​മ്മി​ൽ കൗ​ൺ​സി​ലി​ൽ ക​ടു​ത്ത വാ​ദ​പ്ര​തി​വാ​ദം അ​ര​ങ്ങേ​റി. കോ​ർ​പ​റേ​ഷ​ന്റെ നേ​തൃ​ത്വ​ത്തി​ലാ​ണ് തൃ​ശൂ​രി​ൽ പു​ലി​ക്ക​ളി സം​ഘ​ടി​പ്പി​ക്കു​ന്ന​ത്. പു​ലി​ക്ക​ളി സം​ഘ​ങ്ങ​ൾ​ക്ക് പ്ര​ഖ്യാ​പി​ച്ച ധ​ന​സ​ഹാ​യം ന​ൽ​കാ​തെ കേ​ന്ദ്ര സ​ഹ​മ​ന്ത്രി സു​രേ​ഷ് ഗോ​പി അ​വ​രെ വ​ഞ്ചി​ച്ചെ​ന്ന് പ്ര​തി​പ​ക്ഷ നേ​താ​വ് ടി.​ആ​ർ. ഹി​ര​ൺ ആ​രോ​പി​ച്ചു.

മൂ​ന്നു​ല​ക്ഷം രൂ​പ വീ​തം ല​ഭി​ക്കു​മെ​ന്ന് പ്ര​തീ​ക്ഷി​ച്ച പു​ലി​സം​ഘ​ങ്ങ​ൾ ഇ​പ്പോ​ൾ നി​സ്സ​ഹാ​യാ​വ​സ്ഥ​യി​ലാ​ണ്. വാ​ഗ്ദാ​നം ചെ​യ്ത തു​ക ല​ഭി​ച്ചി​ല്ലെ​ന്ന​റി​ഞ്ഞി​ട്ടും കേ​ന്ദ്ര​മ​ന്ത്രി ഇ​ട​പെ​ട്ടി​ല്ല.പു​ലി​സം​ഘ​ങ്ങ​ളെ തെ​രു​വി​ലേ​ക്ക് ത​ള്ളി​വി​ടു​ക​യാ​ണെ​ന്നും പ​റ​യാ​ത്ത മാ​ന​ദ​ണ്ഡ​ങ്ങ​ളു​ടെ പേ​രി​ൽ സ​ഹാ​യം നി​ഷേ​ധി​ക്ക​രു​തെ​ന്നും എ​ൽ.​ഡി.​എ​ഫ് കൗ​ൺ​സി​ല​ർ​മാ​ർ ആ​വ​ശ്യ​പ്പെ​ട്ടു. അ​തേ​സ​മ​യം, ആ​രോ​പ​ണ​ങ്ങ​ൾ​ക്കെ​തി​രെ ബി.​ജെ.​പി കൗ​ൺ​സി​ല​ർ​മാ​ർ രം​ഗ​ത്തു​വ​ന്നു. കേ​ന്ദ്ര സ​ർ​ക്കാ​ർ നി​ർ​ദേ​ശി​ച്ച മാ​ന​ദ​ണ്ഡ​ങ്ങ​ൾ പാ​ലി​ക്കു​ന്ന​തി​ൽ വ​ന്ന വീ​ഴ്ച​യാ​ണ് ഫ​ണ്ട് കി​ട്ടാ​തി​രി​ക്കാ​ൻ കാ​ര​ണ​മെ​ന്ന് ബി.​ജെ.​പി കൗ​ൺ​സി​ല​ർ സി. ​ര​ഘു​നാ​ഥ് പ​റ​ഞ്ഞു.

മാ​ന​ദ​ണ്ഡ​ങ്ങ​ൾ കൃ​ത്യ​മാ​യി പു​ലി​ക്ക​ളി സം​ഘ​ങ്ങ​ളെ അ​റി​യി​ക്കേ​ണ്ട ചു​മ​ത​ല ജി​ല്ല ക​ല​ക്ട​ർ​ക്കാ​ണ്. മു​ൻ ക​ല​ക്ട​ർ ഈ ​ചു​മ​ത​ല കൃ​ത്യ​മാ​യി നി​ർ​വ​ഹി​ക്കാ​ത്ത​താ​ണ് പ്ര​ശ്ന​ങ്ങ​ൾ​ക്ക് കാ​ര​ണ​മെ​ന്നും ബി.​ജെ.​പി കൗ​ൺ​സി​ല​ർ​മാ​ർ പ​റ​ഞ്ഞു. എ​ന്നാ​ൽ, സാം​സ്കാ​രി​ക കൂ​ട്ടാ​യ്മ​ക​ൾ​ക്ക് അ​ർ​ഹ​ത​പ്പെ​ട്ട തു​ക ഉ​ട​ൻ ല​ഭ്യ​മാ​ക്ക​ണ​മെ​ന്ന ആ​വ​ശ്യ​ത്തി​ൽ ഇ​ട​തു​പ​ക്ഷ കൗ​ൺ​സി​ല​ർ​മാ​ർ ഉ​റ​ച്ചു​നി​ന്ന​തോ​ടെ കൗ​ൺ​സി​ൽ യോ​ഗം പ്ര​ക്ഷു​ബ്ധ​മാ​യി. മാ​സ​ങ്ങ​ൾ പ​ല​ത് ക​ഴി​ഞ്ഞി​ട്ടും ഫ​ണ്ട് ന​ൽ​കാ​ത്ത​തി​ന്റെ യ​ഥാ​ർ​ഥ കാ​ര​ണം ബി.​ജെ.​പി വ്യ​ക്ത​മാ​ക്ക​ണ​മെ​ന്നും പ്ര​തി​പ​ക്ഷം ആ​വ​ശ്യ​പ്പെ​ട്ടു.

സഹായം വേണോ; കേന്ദ്രപരസ്യം നിർബന്ധം

തൃ​ശൂ​ർ: പു​ലി​ക്ക​ളി​ക്ക് കേ​ന്ദ്ര​സ​ർ​ക്കാ​ർ സ​ഹാ​യം ന​ൽ​കു​മെ​ന്ന കേ​ന്ദ്ര സ​ഹ​മ​ന്ത്രി സു​രേ​ഷ് ഗോ​പി​യു​ടെ പ്ര​ഖ്യാ​പ​നം ന​ട​പ്പാ​കാ​താ​യ​പ്പോ​ൾ വി​ചി​ത്ര​വാ​ദ​വു​മാ​യി ബി.​ജെ.​പി. കേ​ന്ദ്ര സ​ർ​ക്കാ​റി​ന്റെ ആ​വ​ശ്യ​ങ്ങ​ൾ പാ​ലി​ക്കാ​ത്ത​തി​നാ​ലാ​ണ് പ​ണം ന​ൽ​കാ​ത്ത​തെ​ന്നാ​ണ് ബി.​ജെ.​പി നി​ല​പാ​ട്. പു​ലി​ക്ക​ളി സം​ഘ​ങ്ങ​ൾ കേ​ന്ദ്ര സ​ർ​ക്കാ​റി​ന്റെ പ​ര​സ്യ​ങ്ങ​ള​ട​ക്കം ന​ൽ​കി​യി​ല്ലെ​ന്നും ഇ​വ​ർ ആ​രോ​പി​ക്കു​ന്നു. 2025 ലെ ​പു​ലി​ക്ക​ളി ന​ട​ത്തി​പ്പി​നാ​യി സം​സ്ഥാ​ന സ​ർ​ക്കാ​ർ ആ​വ​ശ്യ​പ്പെ​ട്ട 40 ല​ക്ഷം രൂ​പ​യി​ൽ, എ​ട്ട് പു​ലി​ക്ക​ളി സം​ഘ​ങ്ങ​ൾ​ക്ക് മൂ​ന്ന് ല​ക്ഷം രൂ​പ വീ​തം 24 ല​ക്ഷം രൂ​പ​യു​ടെ ധ​ന​സ​ഹാ​യ​മാ​ണ് കേ​ന്ദ്ര​ടൂ​റി​സം മ​ന്ത്രാ​ല​യം അ​നു​വ​ദി​ച്ച​ത്. എ​ന്നാ​ൽ, ഈ ​ധ​ന​സ​ഹാ​യം റീ​ഇം​ബ​ഴ്‌​സ്‌​മെ​ന്റ് അ​ടി​സ്ഥാ​ന​ത്തി​ലാ​യ​തി​നാ​ൽ കേ​ന്ദ്ര സ​ർ​ക്കാ​ർ മു​ന്നോ​ട്ടു​വെ​ച്ച നി​ബ​ന്ധ​ന​ക​ൾ പാ​ലി​ക്കേ​ണ്ട​തു​ണ്ടാ​യി​രു​ന്നു. ടൂ​റി​സം മ​ന്ത്രാ​ല​യ​ത്തി​ന്റെ​യും ‘ഇ​ൻ​ക്രെ​ഡി​ബി​ൾ ഇ​ന്ത്യ’​യു​ടെ​യും ലോ​ഗോ എ​ല്ലാ പ്ര​ചാ​ര​ണ സാ​മ​ഗ്രി​ക​ളി​ലും ഉ​ൾ​പ്പെ​ടു​ത്തു​ക, മ​ന്ത്രാ​ല​യ​ത്തി​ന്റെ പ്ര​മോ​ഷ​ണ​ൽ വീ​ഡി​യോ​ക​ൾ പ്ര​ദ​ർ​ശി​പ്പി​ക്കു​ക, ഉ​ദ്ഘാ​ട​ന-​സ​മാ​പ​ന ച​ട​ങ്ങു​ക​ളി​ൽ മ​ന്ത്രാ​ല​യ​ത്തി​ന്റെ സ​ഹാ​യം പ​രാ​മ​ർ​ശി​ക്കു​ക, സോ​ഷ്യ​ൽ മീ​ഡി​യ പ്ര​ചാ​ര​ണം മ​ന്ത്രാ​ല​യ​വു​മാ​യി സ​ഹ​ക​രി​ച്ച് ന​ട​ത്തു​ക തു​ട​ങ്ങി​യ നി​ർ​ദേ​ശ​ങ്ങ​ളാ​ണ് കേ​ന്ദ്രം ന​ൽ​കി​യി​രു​ന്ന​ത്. ഈ ​നി​ബ​ന്ധ​ന​ക​ളൊ​ന്നും ​പു​ലി​ക്ക​ളി സം​ഘ​ങ്ങ​ളെ അ​റി​യി​ക്കാ​തെ ജി​ല്ല ടൂ​റി​സം വ​കു​പ്പ് അ​ധി​കൃ​ത​ർ മ​റ​ച്ചു​വെ​ച്ച​താ​യി ബി.​ജെ.​പി ആ​രോ​പി​ക്കു​ന്നു. പു​ലി​ക്ക​ളി പൂ​ർ​ത്തി​യാ​ക്കി രേ​ഖ​ക​ൾ സ​മ​ർ​പ്പി​ച്ച ശേ​ഷ​മാ​ണ് ഇ​ത്ത​രം നി​ബ​ന്ധ​ന​ക​ൾ സം​ഘ​ങ്ങ​ളു​ടെ ശ്ര​ദ്ധ​യി​ൽ​പ്പെ​ടു​ത്തി​യ​ത്. അ​ന്ന​ത്തെ ജി​ല്ല ഭ​ര​ണ​കൂ​ട​വും ടൂ​റി​സം വ​കു​പ്പ് ഉ​ദ്യോ​ഗ​സ്ഥ​രും കേ​ന്ദ്ര​നി​ർ​ദ്ദേ​ശ​ങ്ങ​ൾ കൃ​ത്യ​മാ​യി ന​ട​പ്പാ​ക്കു​ന്ന​തി​ൽ പ​രാ​ജ​യ​പ്പെ​ട്ടെ​ന്നും ബി.​ജെ.​പി പ​റ​യു​ന്നു.