വെള്ളക്കെട്ടിൽ വീണ കാർ പരിഭ്രാന്തി പരത്തി

ചാ​ല​ക്കു​ടി: മാ​മ്പ്ര​യി​ൽ വെ​ള്ള​ക്കെ​ട്ടി​ൽ വീ​ണ കാ​ർ നാ​ട്ടു​കാ​രി​ൽ പ​രി​ഭ്രാ​ന്തി പ​ര​ത്തി. തി​ങ്ക​ളാ​ഴ്ച രാ​വി​ലെ മാ​മ്പ്ര കു​റ്റി​ക്കാ​ട് ക​ട​വി​ന് സ​മീ​പ​ത്തെ വ​യ​ലി​ലെ വെ​ള്ള​ക്കെ​ട്ടി​ലാ​ണ്​ കാ​ർ വീ​ണു​കി​ട​ക്കു​ന്ന​ത്​ നാ​ട്ടു​കാ​ർ ക​ണ്ട​ത്. ഏ​താ​ണ്ട് പൂ​ർ​ണ​മാ​യും വെ​ള്ള​ത്തി​ൽ മു​ങ്ങി​യ നി​ല​യി​ലാ​യി​രു​ന്നു.

അ​പ​ക​ട സ്​​ഥ​ല​ത്ത്​ ആ​രെ​യും കാ​ണാ​ത്ത​താ​ണ് പ​രി​ഭ്രാ​ന്തി​ക്ക് കാ​ര​ണ​മാ​യ​ത്. ക​ഴി​ഞ്ഞ ദി​വ​സം അ​ങ്ക​മാ​ലി​യി​ലെ കാ​ർ ഡ്രൈ​വ​ർ വെ​ള്ള​ക്കെ​ട്ടി​ൽ മ​രി​ച്ച വാ​ർ​ത്ത​യും ഭീ​തി​ക്ക് കാ​ര​ണ​മാ​യി. യാ​ത്ര​ക്കാ​ർ കാ​റി​നു​ള്ളി​ൽ മ​രി​ച്ചു കി​ട​ക്കു​ക​യാ​ണെ​ന്ന അ​ഭ്യൂ​ഹ​വും പ​ര​ന്നു. ഇ​തോ​ടെ നാ​ട്ടു​കാ​ർ കൊ​ര​ട്ടി പൊ​ലീ​സ് സ്​​റ്റേ​ഷ​നി​ൽ അ​റി​യി​ക്കു​ക​യാ​യി​രു​ന്നു.

എ​ന്നാ​ൽ, ഇ​തി​നി​ട​യി​ൽ കാ​റി​ൽ ആ​രു​മി​ല്ലെ​ന്ന് മ​ന​സ്സി​ലാ​യി. അ​തോ​ടെ യാ​ത്ര​ക്കാ​ർ​ക്ക് എ​ന്തു സം​ഭ​വി​ച്ചു​വെ​ന്ന ആ​ശ​ങ്ക വ​ള​ർ​ന്നു. കൊ​ര​ട്ടി പൊ​ലീ​സെ​ത്തി വാ​ഹ​ന​ത്തി​െൻറ ന​മ്പ​ർ പ​രി​ശോ​ധി​ച്ച് ഉ​ട​മ​യു​മാ​യി ബ​ന്ധ​പ്പെ​ട്ടു. പെ​രി​ഞ്ഞ​നം സ്വ​ദേ​ശി​യാ​യ അ​മ​ൽ സു​ധി​യാ​ണ് അ​പ​ക​ട​ത്തി​ൽ പെ​ട്ട​ത്. സ​മീ​പ​ത്തെ ബ​ന്ധു​വീ​ട്ടി​ൽ വ​ന്ന​താ​യി​രു​ന്നു ഇ​വ​ർ.

രാ​ത്രി​യി​ൽ മ​ഴ​യ​ത്ത് വ​ഴി​യി​ലെ നി​ലം​പ​തി​യി​ൽ ചാ​ടി നി​യ​ന്ത്ര​ണം തെ​റ്റി കാ​ർ വെ​ള്ള​ത്തി​ൽ വീ​ഴു​ക​യാ​യി​രു​ന്നു. കാ​റി​ലു​ണ്ടാ​യി​രു​ന്ന ര​ണ്ടു പേ​ർ തു​റ​ന്ന വാ​തി​ലി​ലൂ​ടെ ചാ​ടി ര​ക്ഷ​പ്പെ​ടു​ക​യാ​യി​രു​ന്നു. പു​ല​ർ​ച്ചെ 1.30ന് ​ആ​യി​രു​ന്നു സം​ഭ​വം. അ​തു​കൊ​ണ്ട് വി​വ​രം ആ​രും അ​റി​ഞ്ഞി​ല്ല. പൊ​ലീ​സ് സ്​​റ്റേ​ഷ​നി​ലും അ​റി​യി​ച്ചി​രു​ന്നി​ല്ല.