വാഹനാപകടം: മൂന്നുപേർക്ക് പരിക്ക്

മുള്ളൂർക്കര: വാഹനാപകടത്തിൽ മൂന്നുപേർക്ക് പരിക്ക്. റോഡിൽ വീണ ബൈക്കുകാരനെ കണ്ട് പിന്നിൽ വന്ന ബൈക്ക് യാത്രികൻ നിർത്താൻ ശ്രമിക്കുന്നതിനിടെ പിന്നിലുണ്ടായിരുന്ന ഓട്ടോറിക്ഷ ഇടിക്കുകയായിരുന്നു. രണ്ട് ബൈക്കുകളെയും ഓട്ടോറിക്ഷ ഇടിച്ച് തെറിപ്പിച്ചു.

ഓട്ടോ ഡ്രൈവർ അനിലിന് (43) സാരമായി പരിക്കേറ്റു. ഇയാളെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ബൈക്ക് യാത്രികരുടെ പരിക്ക് സാരമുള്ളതല്ല. മുള്ളൂർക്കര ഇരുനിലംകോട് ക്ഷേത്ര പരിസരത്താണ് അപകടം.