അ​ച്ഛ​ന്റെ ഓ​ർ​മ​ക​ൾ സാ​ക്ഷി​യാ​ക്കി നി​ള​യി​ൽ മ​ക​ന്റെ പു​സ്ത​ക ത​ർ​പ്പ​ണം

തി​രു​വി​ല്വാ​മ​ല: അ​ച്ഛ​ന്റെ ഓ​ർ​മ​ക​ൾ ശേ​ഷി​ക്കു​ന്ന നി​ള ന​ദി​യി​ൽ കാ​വ്യ സ​മാ​ഹാ​രം​കൊ​ണ്ട് ത​ർ​പ്പ​ണം ഒ​രു​ക്കി മ​ക​ൻ. പാ​ല​ക്കാ​ട് പ​ഴ​മ്പാ​ല​ക്കോ​ട് എ​സ്‌.​എം.​എം.​എ​ച്ച്.​എ​സി​ലെ അ​ധ്യാ​പ​ക​നും യു​വ ക​വി​യു​മാ​യ ഡോ. ​സം​ഗീ​ത് ര​വീ​ന്ദ്ര​നാ​ണ് പു​സ്ത​ക പ്ര​കാ​ശ​നം പു​സ്ത​ക ത​ർ​പ്പ​ണ​മാ​ക്കി​യ​ത്.

ആ​റു​മാ​സം മു​മ്പാ​ണ് അ​ച്ഛ​ൻ എ​ൻ. ര​വീ​ന്ദ്ര​ൻ മ​രി​ച്ച​ത്. അ​ച്ഛ​ന്റെ ശേ​ഷ​ക്രി​യ​ക​ൾ ന​ട​ന്ന​ത് നി​ള തീ​ര​ത്താ​യി​രു​ന്നു. വാ​യ​ന​യോ​ടും ക​വി​ത​യോ​ടും വ​ലി​യ അ​ടു​പ്പ​മു​ണ്ടാ​യി​രു​ന്ന അ​ച്ഛ​നി​ലേ​ക്ക് പു​സ്ത​ക​മെ​ത്തി​ക്കാ​ൻ നി​ള​യാ​ണ് ഏ​ക​മാ​ർ​ഗ​മെ​ന്ന വി​ശ്വാ​സ​മാ​ണ് ഇ​ത്ത​ര​ത്തി​ലൊ​രു ച​ട​ങ്ങ് പാ​മ്പാ​ടി ഐ​വ​ർ​മ​ഠം ക്ഷേ​ത്ര​ക്ക​ട​വി​ൽ ന​ട​ത്താ​ൻ കാ​ര​ണ​മാ​യ​തെ​ന്ന് ഡോ. ​സം​ഗീ​ത് ര​വീ​ന്ദ്ര​ൻ പ​റ​യു​ന്നു.

‘ആ ​ശം​ഖ് നീ ​ആ​ർ​ക്ക് ന​ൽ​കി’ അ​ഞ്ചാ​മ​ത്തെ പു​സ്ത​ക​മാ​ണ് സ​മ​ർ​പ്പി​ച്ച​ത്. കു​ത്താം​മ്പു​ള്ളി സൗ​ഡേ​ശ്വ​രി​യ​മ്മ​ൻ ക്ഷേ​ത്ര​ത്തി​ലെ പു​രോ​ഹി​ത​ൻ സാ​മി സു​ന്ദ​ര​ന്റെ കാ​ർ​മി​ക​ത്വ​ത്തി​ൽ പൂ​ജ​ക​ൾ ന​ട​ത്തി​യ​ശേ​ഷം തൂ​ശ​നി​ല​യി​ൽ ദ​ർ​ഭ​വി​രി​ച്ച് പ​ട്ടി​ൽ​പൊ​തി​ഞ്ഞ പു​സ്ത​കം നി​ള​യി​ൽ ഒ​ഴു​ക്കു​ക​യാ​യി​രു​ന്നു.

ഡോ. ​സം​ഗീ​ത് ര​വീ​ന്ദ്ര​ൻ മ​ക്ക​ളാ​യ സൂ​ര്യ​നാ​രാ​യ​ണ​ൻ, സ​ര​യു എ​ന്നി​വ​ർ ചേ​ർ​ന്നാ​ണ് ത​ർ​പ്പ​ണം നി​ർ​വ​ഹി​ച്ച​ത്. ഹ​രി​ശ്രീ വി​ദ്യാ​നി​കേ​ത​നി​ലെ വി​ദ്യാ​ർ​ഥി​ക​ളു നേ​തൃ​ത്വ​ത്തി​ൽ നി​ള ആ​ര​തി ന​ട​ത്തി​യാ​ണ് ച​ട​ങ്ങ് അ​വ​സാ​നി​പ്പി​ച്ച​ത്. നി​ള വി​ചാ​ര​വേ​ദി ജ​ന​റ​ൽ സെ​ക്ര​ട്ട​റി വി​പി​ൻ കൊ​ടി​യേ​ട​ത്തി​ന്റെ സാ​നി​ധ്യ​വും ച​ട​ങ്ങി​നു​ണ്ടാ​യി.