എ​ടു​ക്കാ​ത്ത വാ​യ്പ​യു​ടെ പേ​രി​ൽ വീ​ട് ജ​പ്തി ചെ​യ്ത​താ​യി ബാ​ങ്ക് നോ​ട്ടീ​സ്

തൃ​ശൂ​ർ: എ​ടു​ക്കാ​ത്ത വാ​യ്പ​യു​ടെ പേ​രി​ൽ കി​ട​പ്പാ​ടം ജ​പ്തി ചെ​യ്ത​താ​യി പ​രാ​തി. നെ​ടു​പു​ഴ വ​ട്ട​പ്പി​ന്നി കൊ​ച്ചു​കു​ള​ത്തി​ൽ ഷാ​ബു​വി​ന്റെ വീ​ടും പ​റ​മ്പു​മാ​ണ് ലേ​ലം ചെ​യ്ത​ത്. ക​രു​വ​ന്നൂ​ർ ബാ​ങ്ക് ത​ട്ടി​പ്പു​മാ​യി ബ​ന്ധ​പ്പെ​ട്ട ക​ള്ള​പ്പ​ണ ഇ​ട​പാ​ടി​ൽ ഇ.​ഡി പ​രി​ശോ​ധ​ന​യും അ​ന്വേ​ഷ​ണ​വും ന​ട​ക്കു​ന്ന തൃ​ശൂ​ർ സ​ഹ​ക​ര​ണ ബാ​ങ്ക് ആ​ണ് ലേ​ലം ചെ​യ്ത​താ​യി കാ​ണി​ച്ച് ഷാ​ബു​വി​ന് ക​ഴി​ഞ്ഞ ദി​വ​സം ക​ത്ത് അ​യ​ച്ച​ത്.

തൃ​ശൂ​ർ സ​ഹ​ക​ര​ണ ബാ​ങ്കി​ന്റെ കൂ​ർ​ക്ക​ഞ്ചേ​രി ശാ​ഖ​യി​ൽ​നി​ന്ന് നേ​ര​ത്തേ ഷാ​ബു വാ​യ്പ​യെ​ടു​ത്തി​രു​ന്നു. എ​ന്നാ​ൽ, ജ​പ്തി ചെ​യ്ത​ത് ശ​ക്ത​ൻ ശാ​ഖ​യി​ൽ​നി​ന്ന് വാ​യ്പ​യെ​ടു​ത്ത​തെ​ന്ന് കാ​ണി​ച്ചാ​ണ്. ഇ​വി​ടെ​നി​ന്നാ​വ​ട്ടെ ഷാ​ബു വാ​യ്പ​യെ​ടു​ത്തി​ട്ടു​മി​ല്ല. ആ ​ശാ​ഖ​യു​മാ​യി ഇ​ട​പാ​ടു​ക​ളു​മി​ല്ല.

ബാ​ങ്കു​മാ​യി ബ​ന്ധ​പ്പെ​ട്ട ആ​ക്ഷേ​പ​ത്തി​ൽ തൃ​ശൂ​ർ വി​ജി​ല​ൻ​സ് കോ​ട​തി​യി​ൽ ഷാ​ബു ന​ൽ​കി​യ ഹ​ര​ജി​യി​ൽ വി​ചാ​ര​ണ ന​ട​ക്കു​ന്ന​തി​നി​ടെ​യാ​ണ് എ​ടു​ക്കാ​ത്ത വാ​യ്പ​യു​ടെ പേ​രി​ൽ ലേ​ലം ചെ​യ്ത​താ​യി അ​റി​യി​ച്ചി​രി​ക്കു​ന്ന​ത്. ലേ​ല തു​ക​യും അ​ഞ്ച് ശ​ത​മാ​നം പി​ഴ പ​ലി​ശ​യും ചേ​ർ​ത്ത് 30 ദി​വ​സ​ത്തി​നു​ള്ളി​ൽ തി​രി​ച്ച​ട​ച്ചാ​ൽ വീ​ടും പ​റ​മ്പും തി​രി​ച്ചെ​ടു​ക്കാ​മെ​ന്ന് ലേ​ലം ചെ​യ്ത​താ​യു​ള്ള ക​ത്തി​ൽ പ​റ​യു​ന്നു.

പ്രാ​യ​മു​ള്ള അ​മ്മ​യെ​യും ഭാ​ര്യ​യെ​യും അ​വി​വാ​ഹി​ത​യാ​യ മ​ക​ളെ​യും കൂ​ട്ടി എ​ങ്ങോ​ട്ടു പോ​ക​ണ​മെ​ന്ന​റി​യാ​ത്ത അ​വ​സ്ഥ​യി​ലാ​ണ് ലോ​ട്ട​റി വി​ൽ​പ​ന​ക്കാ​ര​നാ​യ ഷാ​ബു. മ​ക​ളു​ടെ വി​വാ​ഹാ​വ​ശ്യ​ത്തി​നാ​യി വീ​ടി​ന്റെ ആ​ധാ​രം പ​ണ​യ​പ്പെ​ടു​ത്തി 2016ൽ ​തൃ​ശൂ​ർ സ​ഹ​ക​ര​ണ ബാ​ങ്കി​ന്റെ കൂ​ർ​ക്ക​ഞ്ചേ​രി ശാ​ഖ​യി​ൽ​നി​ന്ന് നാ​ലു​ല​ക്ഷം വാ​യ്പ​യെ​ടു​ത്തി​രു​ന്നു.

ഇ​ത് ഏ​ഴു​ത​വ​ണ കൃ​ത്യ​മാ​യി തി​രി​ച്ച​ട​ച്ചു. മ​ക​ൾ​ക്ക് മൂ​ന്നു​ത​വ​ണ ശ​സ്ത്ര​ക്രി​യ​യും ചി​കി​ത്സ​യും പി​ന്നാ​ലെ കോ​വി​ഡു​മെ​ത്തി​യ​തോ​ടെ തി​രി​ച്ച​ട​വ് മു​ട​ങ്ങി. ജ​പ്തി നോ​ട്ടീ​സ് ല​ഭി​ച്ച​തോ​ടെ ബാ​ങ്കി​ന്റെ അ​ദാ​ല​ത്തി​ൽ പ​ങ്കെ​ടു​ത്ത് വീ​ടും പ​റ​മ്പും വി​റ്റ് വാ​യ്പ തി​രി​ച്ച​ട​ക്കാ​മെ​ന്ന​റി​യി​ച്ചി​രു​ന്നു.

ഇ​തി​നി​ടെ​യാ​ണ് 2020ൽ ​ബാ​ങ്കി​ന്റെ​ത​ന്നെ ശ​ക്ത​ൻ ശാ​ഖ​യി​ൽ​നി​ന്ന് ജ​പ്തി നോ​ട്ടീ​സ് ല​ഭി​ക്കു​ന്ന​ത്. ഈ ​ശാ​ഖ​യു​മാ​യി ഒ​രു ബ​ന്ധ​വു​മി​ല്ലെ​ന്നി​രി​ക്കെ വാ​യ്പ​യെ​ടു​ത്ത​ത് എ​ത്ര​യെ​ന്നോ കു​ടി​ശ്ശി​ക എ​ത്ര​യെ​ന്നോ കാ​ണി​ക്കാ​തെ​യാ​യി​രു​ന്നു നോ​ട്ടീ​സ്. ബാ​ങ്കി​നെ സ​മീ​പി​ച്ചു​വെ​ങ്കി​ലും പ​ല കാ​ര​ണ​ങ്ങ​ൾ പ​റ​ഞ്ഞൊ​ഴി​ഞ്ഞു. വി​വ​രാ​വ​കാ​ശ നി​യ​മ​പ്ര​കാ​രം അ​പേ​ക്ഷ ന​ൽ​കി​യ​തി​ലും മ​റ്റു ന്യാ​യീ​ക​ര​ണ​ങ്ങ​ൾ പ​റ​ഞ്ഞ് വ്യ​ക്ത​ത ന​ൽ​കി​യി​ല്ല.

ഇ​തോ​ടെ​യാ​ണ് വി​ജി​ല​ൻ​സ് കോ​ട​തി​യെ സ​മീ​പി​ച്ച​ത്. ഹ​ര​ജി​യി​ൽ വി​ചാ​ര​ണ ന​ട​ക്കു​ന്ന​തി​നി​ട​യി​ലാ​ണ് ക​ഴി​ഞ്ഞ 20ന് 7.63 ​ല​ക്ഷം രൂ​പ​ക്ക് വീ​ടും പ​റ​മ്പും ലേ​ലം ചെ​യ്തെ​ന്നും ഒ​ഴി​യ​ണ​മെ​ന്നും നി​ർ​ദേ​ശി​ച്ച് ബാ​ങ്കി​ൽ​നി​ന്ന് ക​ത്ത് ല​ഭി​ച്ച​ത്. ജ​പ്തി ചെ​യ്ത​താ​യി കാ​ണി​ച്ച് ബാ​ങ്ക് ബോ​ർ​ഡ് സ്ഥാ​പി​ച്ചി​ട്ടു​ണ്ട്. കോ​ട​തി​യെ​ത​ന്നെ സ​മീ​പി​ക്കാ​നാ​ണ് ഷാ​ബു​വി​ന്റെ തീ​രു​മാ​നം.