തൃശൂരിൽ കമാനം വീണ് ഓട്ടോറിക്ഷ തകർന്നു; രണ്ട് പേർക്ക് പരിക്ക്

തൃശൂർ: നഗരത്തിൽ അലങ്കാര പന്തലിന്റെ കമാനം തകർന്ന് ഓട്ടോറിക്ഷയുടെ മുകളിൽ വീണു. രണ്ട് പേർക്ക് പരിക്കേറ്റു.കോർപറേഷൻ ഓഫീസിന് മുന്നിലാണ് അപകടം.

കോർപറേഷന്റെ നേതൃത്വത്തിൽ സംഘടിപ്പിക്കുന്ന തൃശൂർ ഷോപ്പിംഗ് ഫെസ്റ്റിവലിന്റെ ഭാഗമായി സ്ഥാപിച്ച പന്തലിന്റെ കമാനമാണ് വീണത്.

ഇരുമ്പ് കാലുകളിലാണ് പന്തൽ നിർത്തിയിട്ടുള്ളത്ത്. ദീപാലങ്കാര വിതാനത്തിന് നിർമിച്ചതാണ് പന്തലുകൾ. കുഴിയെടുക്കാതെ പരസ്പരം ബന്ധിപ്പിച്ചുള്ള ഉറപ്പിൽ നിർത്തിയ കാലുകൾ ശക്തമായ കാറ്റിൽ വീഴുകയായിരുന്നു.