ഫേസ്​ബുക്കിൽ വ്യാ​ജ പ്രൊ​ഫൈ​ൽ വ​ഴി പ​ണം ത​ട്ടാ​ൻ ശ്ര​മിച്ചയാളെ കണ്ടംവഴി ഓടിച്ച്​ മു​ൻ കോ​ള​ജ് അ​ധ്യാ​പ​ക​ൻ

തൃ​ശൂ​ർ: വ്യാ​ജ പ്രൊ​ഫൈ​ൽ വ​ഴി പ​ണം ത​ട്ടാ​നു​ള്ള ശ്ര​മ​ത്തെ പൊ​ളി​ച്ച​ടു​ക്കി, ആ​വ​ശ്യ​പ്പെ​ട്ട​യാ​ളെ ക​ണ്ടം​വ​ഴി ഓ​ടി​ച്ച് കോ​ള​ജ് മു​ൻ അ​ധ്യാ​പ​ക​ൻ. ഇ​രി​ങ്ങാ​ല​ക്കു​ട ക്രൈ​സ്​​റ്റ് കോ​ള​ജ് മ​ല​യാ​ള വി​ഭാ​ഗം മു​ൻ മേ​ധാ​വി ഡോ. ​സെ​ബാ​സ്​​റ്റ്യ​ൻ ജോ​സ​ഫ് ആ​ണ് ത​ന്നെ ക​ബ​ളി​പ്പി​ക്കാ​ൻ ശ്ര​മി​ച്ച​യാ​ളെ കു​രു​ക്കി​ലാ​ക്കി​യ​ത്.

ശി​ഷ്യ​നും ക്രൈ​സ്​​റ്റ് കോ​ള​ജ് മു​ൻ ചെ​യ​ർ​മാ​നും ഇ​പ്പോ​ൾ കൊ​ച്ചി​യി​ൽ എ​ച്ച്.​ഡി.​എ​ഫ്.​സി ബാ​ങ്ക് റീ​ജ​ന​ൽ മാ​നേ​ജ​റു​മാ​യ ബി​നോ​യ് ഫി​ലി​പ്പിെൻറ പേ​രി​ലാ​ണ് ഫേ​സ്ബു​ക്കി​ൽ വ്യാ​ജ പ്രൊ​ഫൈ​ൽ ഉ​ണ്ടാ​ക്കി ചാ​റ്റ് ചെ​യ്ത് പ​ണം ത​ട്ടാ​ൻ ശ്ര​മി​ച്ച​ത്. മാ​ധ്യ​മ​ങ്ങ​ളി​ൽ ഇ​ത്ത​രം ത​ട്ടി​പ്പ് വാ​ർ​ത്ത​ക​ൾ വ​ന്ന​ത് ഓ​ർ​ത്തും ശി​ഷ്യ​ൻ പ​ണ​മാ​വ​ശ്യ​പ്പെ​ട്ട് മെ​സേ​ജ് അ​യ​ക്കി​ല്ലെ​ന്ന്​ അ​റി​യാ​വു​ന്ന​തു​കൊ​ണ്ടും ജോ​സ​ഫ് ത​ട്ടി​പ്പു​കാ​ര​നോ​ട് ചാ​റ്റ് ചെ​യ്തു. 25,000 രൂ​പ​യാ​യി​രു​ന്നു ആ​വ​ശ്യ​പ്പെ​ട്ട​ത്. മു​ഷി​പ്പി​ക്കാ​തെ​ത്ത​ന്നെ അ​ത്ര പ​ണം ഉ​ണ്ടാ​വി​ല്ലെ​ന്നും കു​റ​ച്ച് സം​ഘ​ടി​പ്പി​ക്കാ​മെ​ന്നും അ​റി​യി​ച്ച് അ​യാ​ളു​ടെ ഗൂ​ഗ്​​ൾ പേ ​ന​മ്പ​ർ വാ​ങ്ങി​യെ​ടു​ത്തു. ന​മ്പ​ർ പ​രി​ശോ​ധി​ച്ച​തി​ൽ യു.​പി​യി​ൽ നി​ന്നു​ള്ള​താ​ണെ​ന്ന് വ്യ​ക്ത​മാ​യി. ഇ​തോ​ടെ താ​ങ്ക​ൾ ഇ​പ്പോ​ൾ എ​വി​ടെ​യു​ണ്ടെ​ന്നും എ​ന്ത് ചെ​യ്യു​ന്നു​വെ​ന്നു​മു​ള്ള തി​രി​ച്ചു​ള്ള ചോ​ദ്യ​ങ്ങ​ളി​ൽ ത​ട്ടി​പ്പു​കാ​ര​ൻ പ​ത​റി. ഉ​ട​നെ മെ​സ​ഞ്ച​ർ ബ്ലോ​ക്ക് ചെ​യ്ത് പോ​വു​ക​യാ​യി​രു​ന്നു.

ഐ.​ടി വി​ദ​ഗ്​​ധ​ൻ കൂ​ടി​യാ​യ സെ​ബാ​സ്​​റ്റ്യ​ൻ ജോ​സ​ഫ് കൂ​ടു​ത​ൽ പ​രി​ശോ​ധി​ച്ച​പ്പോ​ൾ നി​ര​വ​ധി പേ​രോ​ട് ഈ ​സ​മ​യ​ത്തു​ത​ന്നെ അ​യാ​ൾ പ​ണം ആ​വ​ശ്യ​പ്പെ​ട്ടി​ട്ടു​ള്ള​താ​യി ക​ണ്ടെ​ത്തി. പൊ​ലീ​സി​ൽ പ​രാ​തി ന​ൽ​കു​മെ​ന്ന് അ​ദ്ദേ​ഹം അ​റി​യി​ച്ചു.