ലൈഫ് മിഷൻ ഫ്ലാറ്റിൽ സാമൂഹികവിരുദ്ധരുടെ അഴിഞ്ഞാട്ടം

വ​ട​ക്കാ​ഞ്ചേ​രി: ച​ര​ൽ​പ്പ​റ​മ്പി​ലെ ലൈ​ഫ് മി​ഷ​ൻ ഫ്ലാ​റ്റ് സ​മു​ച്ച​യ​ത്തി​ൽ സാ​മൂ​ഹി​ക വി​രു​ദ്ധ​രു​ടെ അ​ഴി​ഞ്ഞാ​ട്ടം. ചു​മ​രു​ക​ളും ജ​ന​ൽ​ച്ചി​ല്ലു​ക​ളും ത​ക​ർ​ത്ത​ നിലയിൽ ക​ണ്ടെ​ത്തി. ഫ്ലാ​റ്റ് നി​ർ​മാ​ണ വി​വാ​ദ​ത്തെ​ത്തു​ട​ർ​ന്ന് പ്ര​വൃ​ത്തി മാ​സ​ങ്ങ​ൾ​ക്ക്​ മു​മ്പ്​ നി​ർ​ത്തി​വെ​ച്ച​തോ​ടെ ഇ​വി​ടേ​ക്ക് ആ​രും തി​രി​ഞ്ഞു​നോ​ക്കാ​റി​ല്ലെ​ന്ന് നാ​ട്ടു​കാ​ർ പ​റ​യു​ന്നു.

ജ​ന​സാ​ന്നി​ധ്യ​മി​ല്ലാ​ത്ത പ്ര​ദേ​ശ​ത്ത് ത​മ്പ​ടി​ക്കു​ന്ന സാ​മൂ​ഹി​ക വി​രു​ദ്ധ​രാ​ണ് കെ​ട്ടി​ടം ത​ക​ർ​ക്കു​ന്ന​ത്. ഒ​ന്നാം നി​ല​യി​ലു​ള്ള ഒ​രു മു​റി​യി​ലെ ഹോ​ളോ​ബ്രി​ക്സ് ചു​മ​ർ ത​ക​ർ​ന്ന നി​ല​യി​ലാ​ണ്. മു​ക​ളി​ലേ​ക്ക് ക​യ​റാ​നു​ള്ള കോ​ൺ​ക്രീ​റ്റ് പ​ടി​ക​ളു​ടെ ഇ​ട​ക്കു​ള്ള മ​റ്റൊ​രു ഭി​ത്തി​യും ത​ക​ർ​ത്തി​ട്ടു​ണ്ട്.

ഫ്ലാ​റ്റി​നോ​ട് ചേ​ർ​ന്ന്‌ പ​ണി​യു​ന്ന ആ​ശു​പ​ത്രി കെ​ട്ടി​ട​ത്തി​െൻറ മു​ൻ​വ​ശ​ത്തെ ജ​ന​ൽ​ചി​ല്ലും എ​റി​ഞ്ഞു പൊ​ട്ടി​ച്ചു. പൊ​ട്ടി​യ മ​ദ്യ​ക്കു​പ്പി​ക​ളു​ടെ അ​വ​ശി​ഷ്​​ട​ങ്ങ​ളും പ്ര​ദേ​ശ​ത്ത്​ കി​ട​ക്കു​ന്നു​ണ്ട്. ഫ്ലാ​റ്റി​ന്​ മു​ന്നി​ൽ സ്ഥാ​പി​ച്ച ക​രാ​ർ ക​മ്പ​നി​യാ​യ യൂ​നി​ടാ​ക്കി​െൻറ ഫ്ല​ക്സ് ബോ​ർ​ഡ്​ പൂ​ർ​ണ​മാ​യി കീ​റി​യ നി​ല​യി​ലാ​ണ്. വ​ട​ക്കാ​ഞ്ചേ​രി പൊ​ലീ​സ് സ്ഥ​ല​ത്തെ​ത്തി അ​ന്വേ​ഷ​ണ​മാ​രം​ഭി​ച്ചി​ട്ടു​ണ്ട്. ച​ര​ൽ​പ്പ​റ​മ്പി​ൽ​നി​ന്ന് ഫ്ലാ​റ്റ് സ​മു​ച്ച​യ​ത്തി​ന​ടു​ത്തേ​ക്ക് നി​ർ​മി​ച്ച റോ​ഡി​ലൂ​ടെ​യ​ല്ല സാ​മൂ​ഹി​ക വി​രു​ദ്ധ​ർ പോ​കു​ന്ന​തെ​ന്നും അ​ടു​ത്തു​ള്ള എ​സ്​​റ്റേ​റ്റി​ലൂ​ടെ​യാ​ണെ​ന്നും പ്ര​ദേ​ശ​വാ​സി​ക​ൾ പ​റ​യു​ന്നു.

മേ​ഖ​ല​യി​ലെ സാ​മൂ​ഹി​ക വി​രു​ദ്ധ​രു​ടെ വി​ള​യാ​ട്ടം അ​വ​സാ​നി​പ്പി​ക്കാ​ൻ അ​ടി​യ​ന്ത​ര ന​ട​പ​ടി​യെ​ടു​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്. സം​ഭ​വ​ത്തി​നു പി​ന്നി​ൽ രാ​ഷ്​​ട്രീ​യ ഗൂ​ഢാ​ലോ​ച​ന​യു​ണ്ടോ​യെ​ന്ന് അ​ന്വേ​ഷി​ക്കു​മെ​ന്ന് ന​ഗ​ര​സ​ഭ ചെ​യ​ർ​മാ​ൻ പി.​എ​ൻ. സു​രേ​ന്ദ്ര​ൻ പ​റ​ഞ്ഞു. കു​റ്റ​വാ​ളി​ക​ളെ നി​യ​മ​ത്തി​ന് മു​ന്നി​ൽ കൊ​ണ്ടു​വ​ന്ന് ത​ക്ക ശി​ക്ഷ ന​ൽ​കാ​ൻ ന​ട​പ​ടി​യെ​ടു​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ഫ്ലാ​റ്റ് സ​മു​ച്ച​യം സ​ന്ദ​ർ​ശി​ച്ച ശേ​ഷം മാ​ധ്യ​മ​ങ്ങ​ളോ​ട് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.