അതിരപ്പിള്ളിയിൽ മദ്യശാല വിരുദ്ധ സമരം

അതിരപ്പിള്ളി: മേഖലയിൽ ബിവറേജസ് മദ്യശാല വരുന്നതിനെതിരെ അരൂർമുഴി സെന്‍റ് പോൾസ് ഇടവക പ്രതിഷേധിച്ചു.

പ്രതിഷേധയോഗം വികാരി ജസ്റ്റിൻ വാഴപ്പിള്ളി ഉദ്ഘാടനം ചെയ്തു. ആദിവാസി വിനോദ സഞ്ചാരമേഖലയിൽ ബിവറേജസ് ഷോപ് വരുന്നത് നാടിന്‍റെ സമാധാന അന്തരീക്ഷം തകർക്കുമെന്ന് നാട്ടുകാർ പറഞ്ഞു. ഇടവകാംഗങ്ങൾ ലഹരിവിരുദ്ധ പ്രതിജ്ഞയെടുത്തു. കൈക്കാരന്മാരായ പോൾസൻ കുറ്റിപ്പുഴക്കാരൻ, ജിന്‍റോ ഇടശ്ശേരി, ബ്രദർ അലൻ അറക്കൽ, കേന്ദ്രസമിതി പ്രസിഡന്‍റ് സെബാസ്റ്റ്യൻ നെടുങ്ങാട്ട് എന്നിവർ നേതൃത്വം നൽകി.