ഉ​ദ്യോ​ഗ​സ്ഥ​രെ​ല്ലാം മു​ഖ്യ​മ​ന്ത്രി​യു​ടെ പ​രി​പാ​ടി​യി​ൽ; സോ​ണ​ൽ ഓ​ഫി​സ്​ ‘കാ​ലി’

തൃ​ശൂ​ർ: ഉ​ദ്യോ​ഗ​സ്ഥ​രെ​ല്ലാം മു​ഖ്യ​മ​ന്ത്രി​യു​ടെ പ​രി​പാ​ടി​ക്ക്​ പോ​യ​തോ​ടെ കോ​ർ​പ​റേ​ഷ​ൻ സോ​ണ​ൽ ഓ​ഫി​സി​ൽ ജീ​വ​ന​ക്കാ​രി​ല്ലാ​താ​യെ​ന്ന്​ ആ​ക്ഷേ​പം. മു​ൻ​കൂ​ട്ടി അ​റി​യി​ക്കു​ക​യോ ഉ​ച്ച​വ​രെ അ​വ​ധി പ്ര​ഖ്യാ​പി​ക്കു​ക​യോ ചെ​യ്യാ​തെ ഉ​ദ്യോ​ഗ​സ്ഥ​ർ ഓ​ഫി​സി​ലി​ല്ലാ​യ​തോ​ടെ സേ​വ​ന​ങ്ങ​ൾ​ക്കാ​യെ​ത്തി​യ പൊ​തു​ജ​നം പ്ര​യാ​സ​പ്പെ​ട്ട​താ​യും ആ​ക്ഷേ​പ​മു​യ​ർ​ന്നു. ഒ​ല്ലൂ​ക്ക​ര സോ​ണ​ൽ ഓ​ഫി​സി​ൽ തി​ങ്ക​ളാ​ഴ്ച രാ​വി​ലെ​യാ​ണ്​ സം​ഭ​വം.

സെ​ക്യൂ​രി​റ്റി ജീ​വ​ന​ക്കാ​ര​നും കാ​ഷ്യ​റും അ​ല്ലാ​തെ ആ​രും ഓ​ഫി​സി​ൽ ഉ​ണ്ടാ​യി​രു​ന്നി​ല്ലെ​ന്ന്​ മു​ൻ കൗ​ൺ​സി​ല​ർ കൂ​ടി​യാ​യ അ​ബ്​​ദു​ൽ മു​ത്ത​ലി​ഫ്​ പ​റ​ഞ്ഞു. വി​വ​രാ​വ​കാ​ശ നി​യ​മ പ്ര​കാ​രം ന​ൽ​കി​യ അ​പേ​ക്ഷ​യു​ടെ മ​റു​പ​ടി വാ​ങ്ങു​ന്ന​തി​നാ​ണ്​ ഓ​ഫി​സി​ലെ​ത്തി​യ​തെ​ന്ന്​ അ​ദ്ദേ​ഹം പ​റ​ഞ്ഞു.

ഉ​ദ്യോ​ഗ​സ്ഥ​ർ കൂ​ട്ട​ത്തോ​ടെ പോ​കു​ക​യാ​ണെ​ങ്കി​ൽ മു​ൻ​കൂ​ർ അ​റി​യി​ക്കു​ക​യോ പ്ര​ത്യേ​ക അ​നു​മ​തി​യെ​ടു​ത്ത്​ ഉ​ച്ച വ​രെ അ​വ​ധി പ്ര​ഖ്യാ​പി​ക്കു​ക​യോ ചെ​യ്തി​രു​ന്നു​വെ​ങ്കി​ൽ ജ​ന​ങ്ങ​ളു​ടെ പ്ര​യാ​സം ഒ​ഴി​വാ​കു​മാ​യി​രു​ന്നു. തൃ​ശൂ​ർ കോ​ർ​പ​റേ​ഷ​ന്‍റെ വാ​ട്ട​ർ എ​ഫി​ഷ്യ​ന്‍റ്​ തൃ​ശൂ​ർ പ​ദ്ധ​തി നാ​ടി​ന്​ സ​മ​ർ​പ്പി​ക്കു​ന്ന ച​ട​ങ്ങി​നാ​ണ്​ ഉ​ദ്യോ​ഗ​സ്ഥ​ർ പോ​യ​തെ​ന്നാ​ണ്​ സൂ​ച​ന.