അക്കിക്കാവ്-കേച്ചേരി ബൈപാസ് നിർമാണം ഒന്നാംഘട്ടം അവസാനത്തിൽ; അപകടം പെരുകി

കേ​ച്ചേ​രി: അ​ക്കി​ക്കാ​വ്-​കേ​ച്ചേ​രി ബൈ​പാ​സ് റോ​ഡി​ന്റെ നി​ർ​മ്മാ​ണം ഒ​ന്നാം ഘ​ട്ടം പൂ​ർ​ത്തി​യാ​കു​ന്ന​തോ​ടെ പ​ന്നി​ത്ത​ടം-​കേ​ച്ചേ​രി റോ​ഡി​ലൂ​ടെ സ​ഞ്ച​രി​ക്കു​ന്ന വാ​ഹ​ന​ങ്ങ​ളു​ടെ അ​മി​ത വേ​ഗ​ത​യും അ​ശ്ര​ദ്ധ​യും മൂ​ലം അ​പ​ക​ടം വ​ർ​ധി​ക്കു​ന്നു. ഒ​രാ​ഴ്ച​ക്കു​ള്ളി​ൽ മൂ​ന്ന് അ​പ​ക​ട​ങ്ങ​ളാ​ണ് ഈ ​പാ​ത​യി​ൽ ഉ​ണ്ടാ​യ​ത്. എ​യ്യാ​ല്‍ പാ​ട​ത്ത് വ്യാ​ഴാ​ഴ്ച പു​ല​ര്‍ച്ചെ കേ​ച്ചേ​രി ഭാ​ഗ​ത്തേ​ക്ക് വ​ന്നി​രു​ന്ന ജീ​പ്പ് നി​യ​ന്ത്ര​ണം വി​ട്ട് കൂ​മ്പു​ഴ പാ​ല​ത്തി​ന് സ​മീ​പം പാ​ട​ത്തേ​ക്ക് മ​റി​ഞ്ഞാ​ണ് ഒ​ടു​വി​ൽ അ​പ​ക​ടം ഉ​ണ്ടാ​യ​ത്.

അ​പ​ക​ട​ത്തി​ൽ ഈ​രാ​റ്റു​പേ​ട്ട സ്വ​ദേ​ശി സി​ജോ (24), മ​ധ്യ​പ്ര​ദേ​ശ് സ്വ​ദേ​ശി അ​ഫ്ദ​ര്‍ (37) എ​ന്നി​വ​ര്‍ക്ക് ഗു​രു​ത​ര പ​രി​ക്കേ​റ്റു. അ​ഗ്നി​ര​ക്ഷാ സേ​നാം​ഗ​ങ്ങ​ളെ​ത്തി ജീ​പ്പ് പൊ​ളി​ച്ചാ​ണ് പ​രി​ക്കേ​റ്റ​വ​രെ ര​ക്ഷ​പ്പെ​ടു​ത്തി​യ​ത്. പ​രി​ക്കേ​റ്റ​വ​രെ തൃ​ശൂ​ര്‍ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. ക​ഴി​ഞ്ഞ ദി​വ​സം ചെ​മ്മ​ന്തി​ട്ട​യി​ലെ പെ​ട്രോ​ള്‍ പ​മ്പി​ന് സ​മീ​പം കാ​റു​ക​ള്‍ കൂ​ട്ടി​യി​ടി​ച്ചു​ണ്ടാ​യ അ​പ​ക​ട​ത്തി​ല്‍ നി​യ​ന്ത്ര​ണം ന​ഷ്ട​പ്പെ​ട്ട കാ​ര്‍ ഇ​രു​മ്പി​ന്റെ സു​ര​ക്ഷാ​വേ​ലി ത​ക​ർ​ത്ത് പാ​ട​ത്തേ​ക്ക് മ​റി​ഞ്ഞി​രു​ന്നു. ഏ​താ​നും ദി​വ​സം മു​മ്പും ഈ ​പാ​ത​യി​ൽ അ​പ​ക​ടം സം​ഭ​വി​ച്ചി​രു​ന്നു. റോ​ഡ് പൂ​ർ​ണ​മാ​യും ഉ​യ​ർ​ത്തി പ​ണി​ക​ൾ പൂ​ർ​ത്തി​യാ​ക്കി​യ​തോ​ടെ​യാ​ണ് അ​പ​ക​ടം വ​ർ​ധി​ച്ച​ത്.

റോ​ഡ് പ​ണി​ക​ള്‍ വി​ല​യി​രു​ത്തു​ന്ന​തി​ന് വ്യാ​ഴാ​ഴ്ച കെ.​ആ​ര്‍.​എ​ഫ്.​ബി എ​ക്‌​സി​ക്യൂ​ട്ടീ​വ് എ​ന്‍ജി​നീ​യ​ര്‍ ഷി​ബു കൃ​ഷ്ണ​രാ​ജ്, അ​സി​സ്റ്റ​ന്റ് എ​ക്‌​സി​ക്യൂ​ട്ടീ​വ് എ​ന്‍ജി​നീ​യ​ര്‍ ഇ.​ഐ. സ​ജി​ത്ത്, അ​സി​സ്റ്റ​ന്റ് എ​ന്‍ജി​നീ​യ​ര്‍ ഐ.​എ​സ്. മൈ​ഥി​ലി എ​ന്നി​വ​ര്‍ സ്ഥ​ലം സ​ന്ദ​ര്‍ശി​ച്ചു. ബാ​രി​ക്കേ​ഡു​ക​ള്‍ സ്ഥാ​പി​ച്ച് വേ​ഗ​ത നി​യ​ന്ത്രി​ക്കാ​ന്‍ ക​രാ​റു​കാ​ര്‍ക്ക് നി​ര്‍ദേ​ശം ന​ല്‍കി.

പ​ന്നി​ത്ത​ടം മു​ത​ൽ കേ​ച്ചേ​രി വ​രെ റോ​ഡി​ന്റെ പ​ണി​ക​ൾ ഏ​റെ​ക്കു​റെ പൂ​ർ​ത്തി​യാ​യി​ട്ടു​ണ്ട്. ദി​ശ​ബോ​ർ​ഡു​ക​ൾ റോ​ഡി​ന്റെ ഇ​രു​വ​ശ​ത്തും വ​ര​ക​ൾ വ​ര​യ്ക്ക​ൽ തു​ട​ങ്ങി​യ പ​ണി​ക​ൾ മാ​ത്ര​മേ ശേ​ഷി​ക്കു​ന്നു​ള്ളൂ. എ​ന്നാ​ൽ അ​ക്കി​ക്കാ​വ് മു​ത​ൽ പ​ന്നി​ത്ത​ടം വ​രെ​യു​ള്ള റോ​ഡി​ന്റെ പ​ണി​ക​ൾ പൂ​ർ​ത്തി​യാ​ക്കാ​ൻ ഇ​നി​യും സ​മ​യം വേ​ണ്ടി വ​രും. സ്ഥ​ല​മെ​ടു​പ്പ് സം​ബ​ന്ധി​ച്ച് ത​ർ​ക്ക​മു​ള്ള​തി​നാ​ലാ​ണ് ആ ​മേ​ഖ​ല​യി​ൽ പ​ണി ഇ​ഴ​യു​ന്ന​ത്.