കോ​ൾ​ചാ​ലി​ൽ ‘ക​രിവെ​ള്ളം’ കൃ​ഷി​യും കു​ടി​നീ​രും പ്ര തി​സ​ന്ധി​യി​ൽ

തൃ​ശൂ​ർ: ലാ​ലൂ​ർ, അ​ര​ണാ​ട്ടു​ക​ര, എ​ൽ​ത്തു​രു​ത്ത്​ മേ​ഖ​ല​ക​ളി​ലെ 90 ഏ​ക്ക​റോ​ളം വ​രു​ന്ന മ​ണി​നാ​ട​ൻ കോ​ൾ​പ​ട​വി​ൽ ജ​ല​സേ​ച​നം പ്ര​തി​സ​ന്ധി​യി​ൽ. ര​ണ്ട്​ ദി​വ​സ​മാ​യി കോ​ൾ​ചാ​ലി​ലും മോ​ട്ടോ​ർ ഷെ​ഡി​ന​ടു​ത്തും വെ​ള്ളം ക​റു​ത്ത നി​റ​ത്തി​ലാ​ണ്. ഇ​ത്​ കൃ​ഷി​ക്ക്​ പ​മ്പ്​ ചെ​യ്യാ​ൻ പ​റ്റു​ന്നി​ല്ലെ​ന്ന്​ മാ​ത്ര​മ​ല്ല, സ​മീ​പ​ത്തെ വീ​ടു​ക​ളി​ലെ കു​ടി​വെ​ള്ള സ്രോ​ത​സും ഭീ​ഷ​ണി​യി​ലാ​ണ്.

ലാ​ലൂ​ർ കാ​ർ​ത്യാ​യ​നി ക്ഷേ​ത്ര​ത്തി​ന​ടു​ത്താ​ണ്​ മോ​ട്ടോ​ർ ഷെ​ഡു​ള്ള​ത്. കെ.​എ​ൽ.​ഡി.​സി ക​നാ​ൽ, ജോ​ൺ മ​ത്താ​യി സെ​ന്‍റ​ർ, ക​ട​വാ​രം വ​ഴി വ​രു​ന്ന ക​രി​മ്പ​ന​ക്ക​ട ചാ​ലി​ൽ ക​ഴി​ഞ്ഞ ദി​വ​സ​ങ്ങ​ളി​ലെ മ​ഴ​ക്ക്​ ശേ​ഷ​മാ​ണ്​ ക​റു​ത്ത വെ​ള്ളം വ​രു​ന്ന​ത്. ഇ​ത്​ പ​മ്പ്​ ചെ​യ്യു​മ്പോ​ൾ കോ​ളി​ലെ മ​ത്സ്യ​ങ്ങ​ളും ചാ​വു​ന്നു​ണ്ടെ​ന്ന്​ മ​ണി​നാ​ട​ൻ പ​ട​വ്​ പ്ര​സി​ഡ​ന്‍റ്​ ഉ​ണ്ണി​കൃ​ഷ്ണ​ൻ പ​റ​ഞ്ഞു.

മൂ​ന്ന്​ വ​ർ​ഷം മു​മ്പും സ​മാ​ന​മാ​യ അ​വ​സ്ഥ ഉ​ണ്ടാ​യി​രു​ന്നു. അ​ന്ന്​ ക​ല​ക്ട​റെ ക​ണ്ട​പ്പോ​ൾ തൃ​ശൂ​ർ കോ​ർ​പ​റേ​ഷ​ൻ സെ​ക്ര​ട്ട​റി​യെ​യും മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡ്​ ഉ​ദ്യോ​ഗ​സ്ഥ​രെ​യും വി​ളി​പ്പി​ച്ചു. കോ​ർ​പ​റേ​ഷ​ൻ സെ​ക്ര​ട്ട​റി ഹാ​ജ​രാ​യി​ല്ല. ശ​ക്ത​ൻ സ്റ്റാ​ൻ​ഡ്​ പ​രി​സ​ര​ത്തെ അ​ഴു​ക്കു​ചാ​ലു​ക​ളി​ലെ​യും പ​രി​സ​ര​ത്തെ ചി​ല വ​ൻ​കി​ട ആ​ശു​പ​ത്രി​ക​ളി​ൽ​നി​ന്നും പു​റ​ന്ത​ള്ളു​ന്ന​തു​മാ​യ വെ​ള്ള​മാ​ണ്​ ഒ​ഴു​കി എ​ത്തു​ന്ന​തെ​ന്ന്​ അ​ന്ന്​ മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡ്​ ഉ​ദ്യോ​ഗ​സ്ഥ​ർ പ​റ​ഞ്ഞി​രു​ന്നു. ആ​ശു​പ​ത്രി​ക​ൾ​ക്ക്​ അ​ന്ന്​ നോ​ട്ടീ​സ്​ ന​ൽ​കി​യെ​ങ്കി​ലും തു​ട​ർ ന​ട​പ​ടി ഉ​ണ്ടാ​യി​ല്ല. അ​ന്ന്​ കോ​ട​ന്നൂ​ർ പ​ട​വും ബാ​ധി​ക്ക​പ്പെ​ട്ടി​രു​ന്നു.

ന​വം​ബ​ർ 24നാ​ണ്​ മ​ണി​നാ​ട​ൻ പ​ട​വി​ൽ ‘ഉ​മ’ വി​ത്ത്​ വി​ത​ച്ച​ത്. ഒ​ന്ന​ര ആ​ഴ്ച ക​ഴി​ഞ്ഞാ​ൽ ര​ണ്ടാം വ​ള​​പ്ര​യോ​ഗ​ത്തി​നു​ള്ള സ​മ​യ​മാ​ണ്. ഈ ​വെ​ള്ളം ആ​ശ്ര​യി​ച്ച്​ വ​ള പ്ര​യോ​ഗം ഉ​ൾ​പ്പെ​ടെ കാ​ർ​ഷി​ക പ്ര​വൃ​ത്തി​ക​ൾ ചെ​യ്യാ​നാ​വി​ല്ല. പി. ​ബാ​ല​ച​ന്ദ്ര​ൻ എം.​എ​ൽ.​​എ​യെ​യും കൃ​ഷി ഓ​ഫി​സ​റെ​യും വി​വ​രം അ​റി​യി​ച്ചി​ട്ടു​​ണ്ടെ​ന്ന്​ ഉ​ണ്ണി​കൃ​ഷ്ണ​ൻ പ​റ​ഞ്ഞു.