വ​ട​ക്കേ​ക്കാ​ട് മാ​ല മോ​ഷ​ണ കേ​സി​ലെ പ്ര​തി അ​റ​സ്റ്റി​ൽ

പു​ന്ന​യൂ​ർ​ക്കു​ളം: വ​ട​ക്കേ​ക്കാ​ട് മാ​ല മോ​ഷ​ണ കേ​സി​ലെ പ്ര​തി അ​റ​സ്റ്റി​ൽ. ഞ​മ​നേ​ങ്ങാ​ട് വൈ​ദ്യ​ൻ​സ് റോ​ഡി​ന് സ​മീ​പം കാ​ണ​ഞ്ചേ​രി വീ​ട്ടി​ൽ ഷാ​ജി​യെ​യാ​ണ് (43) വ​ട​ക്കേ​ക്കാ​ട് പൊ​ലീ​സ് അറസ്റ്റ് ചെ​യ്ത​ത്. ക​ഴി​ഞ്ഞ ജ​നു​വ​രി ര​ണ്ടി​ന് ഞ​മ​നേ​ങ്ങാ​ട് ഒ​ന്ന​ര​ക്കാ​ട്ട് പ​ത്മ​നാ​ഭ​ന്റെ ഭാ​ര്യ അം​ബി​ക​യു​ടെ മൂ​ന്ന​ര പ​വ​നോ​ളം തൂ​ക്കം വ​രു​ന്ന സ്വ​ർ​ണ​മാ​ല​യാ​ണ് മോ​ഷ​ണം പോ​യ​ത്.

പ​ത്മ​നാ​ഭ​ന് അ​സു​ഖ​മാ​യി ആ​ശു​പ​ത്രി​യി​ൽ പോ​കു​ന്ന​തി​നി​ടെ മു​റി​യി​ൽ ചെ​പ്പി​ന​ക​ത്ത് സൂ​ക്ഷി​ച്ചി​രു​ന്ന​താ​യി​രു​ന്നു മാ​ല. പി​ന്നീ​ട് പ​ത്മ​നാ​ഭ​ൻ മ​രി​ച്ച​തി​നെ തു​ട​ർ​ന്ന് വീ​ട് വൃ​ത്തി​യാ​ക്കാ​നും മ​റ്റും വ​ന്ന​താ​യി​രു​ന്നു പ്ര​തി. സം​സ്കാ​ര ച​ട​ങ്ങു​ക​ൾ​ക്ക് ശേ​ഷം മാ​ല അ​ന്വേ​ഷി​ച്ച​പ്പോ​ഴാ​ണ് ന​ഷ്ട​പ്പെ​ട്ട വി​വ​രം അ​റി​യു​ന്ന​ത്. തു​ട​ർ​ന്ന് പൊ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു.

പൊ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ൽ ഷാ​ജി നാ​യ​ര​ങ്ങാ​ടി​യി​ലെ ജ്വ​ല്ല​റി​യി​ൽ മാ​ല വി​റ്റ​താ​യും വി​ല കൂ​ടി​യ മൊ​ബെ​ൽ ഫോ​ൺ വാ​ങ്ങി​യ​താ​യും ക​ണ്ടെ​ത്തി. തു​ട​ർ​ന്നാ​ണ് അ​റ​സ്റ്റു ചെ​യ്ത​ത്. ചൊ​വ്വാ​ഴ്ച ഉ​ച്ച​യോ​ടെ നാ​യ​ര​ങ്ങാ​ടി​യി​ലെ ജ്വ​ല്ല​റി​യി​ലും സം​ഭ​വം ന​ട​ന്ന വീ​ട്ടി​ലും പ്ര​തി​യു​മാ​യി തെ​ളി​വെ​ടു​പ്പ് ന​ട​ത്തി. കോ​ട​തി​യി​ൽ ഹാ​ജ​രാ​ക്കി​ റി​മാ​ൻ​ഡ് ചെ​യ്തു.