സുന്ദരമല്ല ഈ കവല...; സ്ഥി​രം അ​പ​ക​ട​മേ​ഖ​ല​യാ​യി സു​ന്ദ​രി​ക്ക​വ​ല

ചാ​ല​ക്കു​ടി: ദേ​ശീ​യ​പാ​ത​യി​ൽ സ്ഥി​രം അ​പ​ക​ട​മേ​ഖ​ല​യാ​യി പോ​ട്ട സു​ന്ദ​രി​ക്ക​വ​ല. ക​ഴി​ഞ്ഞ ദി​വ​സം വാ​ഹ​നാ​പ​ക​ട​ത്തി​ൽ ര​ണ്ട് യു​വാ​ക്ക​ൾ മ​രി​ച്ച​തോ​ടെ യാ​ത്ര​ക്കാ​രു​ടെ ആ​ശ​ങ്ക വ​ർ​ധി​ച്ചി​രി​ക്കു​ക​യാ​ണ്. അ​ശാ​സ്ത്രീ​യ റോ​ഡ് നി​ർ​മാ​ണം മൂ​ലം കാ​ൽ​ന​ട​ക്കാ​ര​ട​ക്കം നി​ര​വ​ധി ജീ​വ​നു​ക​ളാ​ണ് ഇ​വി​ടെ പൊ​ലി​ഞ്ഞ​ത്. ഇ​തി​ന് പ​രി​ഹാ​രം കാ​ണ​ണ​മെ​ന്ന നാ​ട്ടു​കാ​രു​ടെ​യും യാ​ത്ര​ക്കാ​രു​ടെ​യും ആ​വ​ശ്യം വ​ന​രോ​ദ​ന​മാ​യി ഒ​ടു​ങ്ങു​ക​യാ​ണ്.

പോ​ട്ട മേ​ൽ​പ്പാ​ലം ഇ​റ​ങ്ങി വ​രു​ന്നി​ട​ത്താ​ണ് സു​ന്ദ​രി​ക്ക​വ​ല. മേ​ൽ​പ്പാ​ലം ഇ​റ​ങ്ങി​വ​രു​ന്ന വാ​ഹ​ന​ങ്ങ​ളു​ടെ അ​നി​യ​ന്ത്രി​ത വേ​ഗം അ​പ​ക​ട​ങ്ങ​ൾ​ക്ക് ഒ​രു കാ​ര​ണ​മാ​ണ്. പ​ഴ​യ ദേ​ശീ​യ​പാ​ത​യും പു​തി​യ ദേ​ശീ​യ​പാ​ത​യും കൂ​ട്ടി​മു​ട്ടു​ന്ന ഇ​ടം കൂ​ടി​യാ​യ​തി​നാ​ൽ ഗ​താ​ഗ​തം സ​ങ്കീ​ർ​ണ​മാ​ണ്. റോ​ഡി​ന്റെ ഒ​രു വ​ശ​ത്ത് പ​റ​ക്കൊ​ട്ടി​ങ്ക​ൽ ക്ഷേ​ത്രം റോ​ഡും സം​ഗ​മി​ക്കു​ന്നു. ഈ ​ഭാ​ഗ​ത്ത് സ​ർ​വി​സ് റോ​ഡ് ഉ​ണ്ടോ ഇ​ല്ല​യോ എ​ന്ന​ത് വ്യ​ക്ത​മ​ല്ലാ​ത്ത കാ​ര്യ​മാ​ണ്. സ​ർ​വി​സ് റോ​ഡ് മു​റി​ഞ്ഞു​കി​ട​ക്കു​ക​യാ​ണ്. അ​ത് ഡി​വൈ​ഡ​ർ ഇ​ല്ലാ​തെ പ്ര​ധാ​ന പാ​ത​യു​ടെ ഒ​രു ഭാ​ഗം പ​ങ്കി​ട്ടെ​ടു​ക്കു​ന്നു. അ​തി​നാ​ൽ പ​ഴ​യ ദേ​ശീ​യ​പാ​ത​യി​ലേ​ക്ക് പോ​കു​ക​യും വ​രു​ക​യും ചെ​യ്യു​ന്ന വാ​ഹ​ന​ങ്ങ​ൾ ഇ​വി​ടെ​യെ​ത്തു​മ്പോ​ൾ ആ​ശ​യ​ക്കു​ഴ​പ്പ​ത്തി​ലാ​ണ്. ഇ​ട​തു വ​ശം വ​ഴി പോ​ക​ണോ വ​ല​തു വ​ശം വ​ഴി പോ​ക​ണോ എ​ന്ന​റി​യാ​ത്ത അ​വ​സ്ഥ​യാ​ണ്.

വ​ർ​ഷ​ങ്ങ​ൾ​ക്ക് മു​മ്പ് പോ​ട്ട മേ​ൽ​പ്പാ​ലം നി​ർ​മി​ച്ച​പ്പോ​ൾ ദേ​ശീ​യ​പാ​ത അ​ധി​കൃ​ത​ർ കാ​ണി​ച്ച സൂ​ക്ഷ്മ​ത​യി​ല്ലാ​യ്മ​യാ​ണ് ഇ​വി​ട​ത്തെ എ​ല്ലാ ദു​ര​ന്ത​ങ്ങ​ൾ​ക്കും കാ​ര​ണം. മേ​ൽ​പ്പാ​ല​ത്തി​ന്റെ അ​പ്പു​റ​ത്ത് ധാ​രാ​ളം സ്ഥ​ലം അ​നാ​വ​ശ്യ​മാ​യി വി​ട്ട​പ്പോ​ൾ ഇ​പ്പു​റ​ത്ത് സ​ർ​വി​സ് റോ​ഡ് നി​ർ​മാ​ണ​ത്തി​ന് സ്ഥ​ലം ഇ​ല്ലാ​തെ വ​ന്നു.

ഇ​വി​ടെ സ​ർ​വി​സ് റോ​ഡ് നി​ർ​മി​ക്കു​ക​യും ദേ​ശീ​യ​പാ​ത​യി​ലേ​ക്ക് സ​ർ​വി​സ് റോ​ഡി​ൽ നി​ന്നും വാ​ഹ​ന​ങ്ങ​ൾ പ്ര​വേ​ശി​ക്കാ​തെ ത​ട​യു​ന്ന ഡി​വൈ​ഡ​ർ നി​ർ​മി​ക്കു​ക​യും ചെ​യ്യാ​തെ അ​പ​ക​ട​ങ്ങ​ൾ വി​ട്ടൊ​ഴി​യി​ല്ലെ​ന്ന​താ​ണ് യാ​ഥാ​ർ​ഥ്യം. ഇ​നി​യും എ​ത്ര ജീ​വ​ൻ ന​ഷ്ട​പ്പെ​ട്ടാ​ലാ​ണ് അ​ധി​കാ​രി​ക​ൾ ഉ​ണ​രു​ക​യെ​ന്നാ​ണ് നാ​ട്ടു​കാ​ർ ചോ​ദി​ക്കു​ന്ന​ത്.

സർവിസ് റോഡ് നിർമാണം പൂർത്തിയാക്കണം -നഗരസഭ

ചാലക്കുടി: പോട്ട സുന്ദരിക്കവലയിൽ തുടർച്ചയായി വാഹനാപകടം ഉണ്ടാകുന്ന സാഹചര്യം ഒഴിവാക്കാൻ ഈ ഭാഗത്തെ സർവിസ് റോഡുകളുടെ നിർമാണം അടിയന്തരമായി പൂർത്തിയാക്കണമെന്ന് നഗരസഭ കൗൺസിൽ ദേശീയപാത അതോറിറ്റിയോട് ആവശ്യപ്പെട്ടു. നിരന്തര അപകടങ്ങളും നിരവധി മരണങ്ങളും ഉണ്ടായിട്ടും ഇത് പരിഹരിക്കാൻ അധികൃതർ നടപടി സ്വീകരിക്കാത്തതിൽ കൗൺസിൽ പ്രതിഷേധിച്ചു. ഈ ഭാഗത്തെ അനധികൃത കച്ചവടങ്ങളും വാഹന പാർക്കിങ്ങും നിരോധിക്കാൻ നഗരസഭ തീരുമാനിച്ചു.

ചെയർമാൻ എബി ജോർജ് അധ്യക്ഷത വഹിച്ചു. കൗൺസിലർ വത്സൻ ചമ്പക്കര ഇതുസംബന്ധിച്ച പ്രമേയം അവതരിപ്പിച്ചു. നഗരസഭയുടെ 2022 -23 വാർഷിക പദ്ധതി ഭേദഗതികൾക്ക് അംഗീകാരം നൽകി. 2023 -24 വാർഷിക പദ്ധതി രൂപവത്കരണത്തിനുള്ള കരട് പദ്ധതി നിർദേശങ്ങൾ അംഗീകരിച്ചു. ജനുവരി 19 മുതൽ ഫെബ്രുവരി 12 വരെ വാർഡ് സഭകൾ ചേരും.