തെരുവുനായ് ആക്രമണത്തിൽ വിദ്യാർഥിക്ക് ഗുരുതര പരിക്ക്

കരുപ്പടന്ന: കരുപ്പടന്ന പുതിയ റോഡ് ഓയില്‍ മില്‍ ജങ്ഷനില്‍ തെരുവുനായ് ആക്രമണത്തില്‍ വിദ്യാർഥിക്ക് ഗുരുതര പരിക്ക്. മുസാഫരിക്കുന്ന് കൊമ്പനേഴത്ത് മുസമ്മിലിന്റെ മകന്‍ മുഹമ്മദ്‌ സിനാനാണ് (14) പരിക്കേറ്റത്. കുട്ടിയുടെ കൈയും കാലും നായ് കടിച്ചുകീറി. പരിക്കേറ്റ മുഹമ്മദ് സിനാനെ വെള്ളാങ്ങല്ലൂര്‍ പ്രാഥമിക ആരോഗ്യകേന്ദ്രത്തില്‍ പ്രഥമ ശുശ്രൂഷ നല്‍കി തൃശൂർ ഗവ. മെഡിക്കല്‍ കോളജ് ആശുപത്രിയിലേക്ക് കൊണ്ടുപോയി.