ല​ക്ഷം​വീ​ട് കോ​ള​നി​ക​ൾ​ക്ക് 50 വ​യ​സ്സ്

കേ​ര​ള​ത്തി​ൽ സി. ​അ​ച്യു​ത മേ​നോ​ൻ മു​ഖ്യ​മ​ന്ത്രി ആ​യി​രി​ക്കു​മ്പോ​ൾ ആ​വി​ഷ്ക​രി​ച്ച പാ​ർ​പ്പി​ട പ​ദ്ധ​തി​യാ​ണ് ല​ക്ഷം​വീ​ട്. കേ​ര​ള​ത്തി​ല​ങ്ങോ​ള​മി​ങ്ങോ​ളം വീ​ടി​ല്ലാ​ത്ത നി​ർ​ധ​ന​ർ​ക്കാ​യി ഒ​രു ല​ക്ഷം വീ​ടു​ക​ൾ നി​ർ​മി​ക്കു​ക എ​ന്ന​താ​യി​രു​ന്നു പ​ദ്ധ​തി​യു​ടെ ല​ക്ഷ്യം. 1972ൽ ​അ​ന്ന് അ​ദ്ദേ​ഹ​ത്തി​ന്റെ മ​ന്ത്രി​സ​ഭ​യി​ലെ അംഗമായി​രു​ന്ന എം.​എ​ൻ. ഗോ​വി​ന്ദ​ൻ നാ​യ​രാ​ണ് പ​ദ്ധ​തി കൊ​ണ്ടു​വ​ന്ന​ത്. പ​ദ്ധ​തി​യു​ടെ ഭാ​ഗ​മാ​യി നി​ര​വ​ധി വീ​ടു​ക​ൾ കേ​ര​ള​ത്തി​ൽ നി​ർ​മി​ക്ക​പ്പെ​ട്ടി​ട്ടു​ണ്ട്. അ​വ​യാ​ണ് ല​ക്ഷം​വീ​ട് കോ​ള​നി​ക​ൾ. ഇ​പ്പോ​ൾ ല​ക്ഷം​വീ​ട് കോ​ള​നി​ക​ൾ​ക്ക് 50 വ​യ​സ്സ് തി​ക​ഞ്ഞി​രി​ക്കു​ക​യാ​ണ്. ഈ ​സാ​ഹ​ച​ര്യ​ത്തി​ൽ ജി​ല്ല​യി​ലെ വി​വി​ധ ല​ക്ഷം​വീ​ട് കോ​ള​നി​ക​ളി​ലേ​ക്ക് 'മാ​ധ‍്യ​മം' ലേ​ഖ​ക​ർ ന​ട​ത്തി​യ യാ​ത്ര...

തു​ട​ക്കം

1971ല്‍ ​ഡ​ല്‍ഹി​യി​ല്‍ ന​ട​ന്ന സം​സ്ഥാ​ന​ങ്ങ​ളി​ലെ ഭ​വ​ന​നി​ര്‍മാ​ണ മ​ന്ത്രി​മാ​രു​ടെ യോ​ഗ​ത്തി​ൽ വീ​ടി​ല്ലാ​ത്ത ക​ര്‍ഷ​ക​ത്തൊ​ഴി​ലാ​ളി​ക​ള്‍ക്ക് വീ​ട് നി​ര്‍മി​ക്കു​ന്ന​തി​ന് ര​ണ്ട് സെ​ന്റ് ഭൂ​മി സൗ​ജ​ന്യ​മാ​യി ന​ല്‍കു​മെ​ന്ന് കേ​ന്ദ്ര ഭ​വ​ന​നി​ര്‍മാ​ണ മ​ന്ത്രി പ്ര​ഖ്യാ​പി​ക്കു​ക​യു​ണ്ടാ​യി. എ​ന്നാ​ല്‍, ജ​ന​ങ്ങ​ള്‍ക്ക് പ്ര​യോ​ജ​ന​പ്പെ​ട​ണ​മെ​ങ്കി​ല്‍ നാ​ല് സെ​ന്റ് ഭൂ​മി​യെ​ങ്കി​ലും വേ​ണ​മെ​ന്ന എം.​എ​ന്‍. ഗോ​വി​ന്ദ​ൻ നാ​യ​രു​ടെ നി​ര്‍ദേ​ശം അം​ഗീ​ക​രി​ച്ച കേ​ന്ദ്ര സ​ര്‍ക്കാ​ര്‍ നാ​ല് സെ​ന്റ് ഭൂ​മി വാ​ങ്ങാ​നു​ള്ള പ​ണം ന​ല്‍കാ​മെ​ന്ന് സ​മ്മ​തി​ച്ചു. അ​തി​നെ​ത്തു​ട​ര്‍ന്നാ​ണ് ല​ക്ഷം​വീ​ട് പ​ദ്ധ​തി വി​ഭാ​വ​നം ചെ​യ്യ​പ്പെ​ട്ട​ത്. 1972 ഏ​പ്രി​ലി​ല്‍ പ​ദ്ധ​തി​ക്ക് അ​നു​മ​തി ല​ഭി​ച്ചു. ഇ​ച്ഛാ​ശ​ക്തി​യോ​ടെ​യും ജ​ന​കീ​യ പ​ങ്കാ​ളി​ത്ത​ത്തോ​ടെ​യും പൂ​ര്‍ത്തി​യാ​ക്കി​യ ല​ക്ഷം​വീ​ട് പ​ദ്ധ​തി 1973 ജ​നു​വ​രി​യി​ല്‍ പ്ര​ധാ​ന​മ​ന്ത്രി ഇ​ന്ദി​ര ഗാ​ന്ധി ഉ​ദ്ഘാ​ട​നം ചെ​യ്തു.

250 ച​തു​ര​ശ്ര​യ​ടി വ​ലു​പ്പ​മു​ള്ള ഒ​രു വീ​ടി​ന് 1250 മു​ത​ല്‍ 1500 രൂ​പ​വ​രെ ആ​യി​രു​ന്നു ചെ​ല​വ്. ര​ണ്ടു മു​റി​യും അ​ടു​ക്ക​ള​യും ക​ക്കൂ​സു​മു​ള്ള വീ​ടു​ക​ള്‍ സൗ​ജ​ന്യ​മാ​യാ​ണ് സ​ര്‍ക്കാ​ര്‍ ന​ല്‍കി​യ​ത്. വീ​ട് ല​ഭി​ക്കു​ന്ന ഓ​രോ കു​ടും​ബ​ത്തി​ല്‍നി​ന്ന് 110 രൂ​പ സ​ര്‍ക്കാ​ര്‍ വാ​ങ്ങി​യി​രു​ന്നു.

ബാ​ക്കി​പ​ത്രം

50 വ​ര്‍ഷ​ത്തി​നു​ശേ​ഷം തി​രി​ഞ്ഞു​നോ​ക്കു​മ്പോ​ള്‍, ഒ​ട്ടേ​റെ പേ​രു​ക​ളി​ല്‍ പ​ല ഭ​വ​ന​പ​ദ്ധ​തി​ക​ളും സം​സ്ഥാ​ന​ത്തു​ണ്ട്. ഭൂ​ര​ഹി​ത​ര്‍ക്കു​ള്ള വീ​ട് നി​ര്‍മാ​ണ​ത്തി​നാ​യി ധാ​രാ​ളം ഏ​ജ​ന്‍സി​ക​ളും വാ​യ്പ സം​വി​ധാ​ന​ങ്ങ​ളു​മു​ണ്ട്. ല​ക്ഷം​വീ​ട് പു​ന​രു​ദ്ധാ​ര​ണ പ​ദ്ധ​തി​യു​ടെ ഭാ​ഗ​മാ​യി അ​ടു​ത്ത​കാ​ല​ത്താ​യി ഒ​ട്ടേ​റെ ല​ക്ഷം​വീ​ടു​ക​ള്‍ കാ​ലാ​നു​സൃ​ത​മാ​യി പു​തു​ക്കി​പ്പ​ണി​തു. പ​ല​തും വാ​ട​ക​വീ​ടു​ക​ളാ​യി മാ​റി. ല​ക്ഷം​വീ​ട് കി​ട്ടി​യ​വ​രി​ല്‍ ഇ​പ്പോ​ഴും ദു​രി​താ​വ​സ്ഥ​യി​ല്‍ തു​ട​രു​ന്ന​വ​ർ ലൈ​ഫ് പ​ദ്ധ​തി​യി​ലേ​ക്ക് അ​പേ​ക്ഷി​ച്ചി​ട്ടു​ണ്ട്. ല​ക്ഷം​വീ​ട് സ​ന്ത​തി​പ​ര​മ്പ​ര​ക​ള്‍ക്ക് കൈ​മാ​റു​ക​യാ​ണ് ആ​ളു​ക​ള്‍ ചെ​യ്യു​ന്ന​ത്. ഇ​തി​നു ത​ട​സ്സ​മി​ല്ല. എ​ന്നാ​ല്‍, വീ​ട് ല​ഭി​ച്ച ഒ​രാ​ള്‍ക്ക് അ​താ​വ​ശ്യ​മി​ല്ലാ​തെ​വ​ന്നാ​ല്‍ അ​ത് തി​രി​ച്ച് ത​ദ്ദേ​ശ ഭ​ര​ണ വ​കു​പ്പി​ന് കൈ​മാ​റ​ണ​മെ​ന്നാ​ണ് നി​യ​മം. എ​ന്നാ​ല്‍, ഇ​തി​നു ത​യാ​റാ​കാ​തെ ആ​ളു​ക​ള്‍ വി​ല്‍ക്കു​ന്നു​ണ്ടെ​ന്ന​ത് സ​ത്യ​മാ​ണെ​ന്ന് സ​ര്‍ക്കാ​ര്‍ കേ​ന്ദ്ര​ങ്ങ​ള്‍ പ​റ​യു​ന്നു. ല​ക്ഷം​വീ​ടു​ക​ളു​ടെ പു​ന​രു​ദ്ധാ​ര​ണം ഇ​പ്പോ​ഴും ഭ​വ​ന​നി​ര്‍മാ​ണ വ​കു​പ്പി​ന്റെ നേ​തൃ​ത്വ​ത്തി​ല്‍ ന​ട​ക്കു​ന്നു​ണ്ടെ​ന്നും അ​ധി​കൃ​ത​ര്‍ പ​റ​യു​ന്നു. ഇ​ര​ട്ട​വീ​ടു​ക​ള്‍ ഒ​റ്റ വീ​ടു​ക​ളാ​ക്കു​ന്ന പ്ര​ക്രി​യ​യാ​ണി​ത്. ഇ.​എം.​എ​സ് ഭ​വ​ന​പ​ദ്ധ​തി പ്ര​ഖ്യാ​പി​ച്ച സ​മ​യ​ത്ത് ല​ക്ഷം​വീ​ട് പു​ന​രു​ദ്ധാ​ര​ണ​വും ഉ​ണ്ടാ​യി​രു​ന്നു. അ​തി​നു തു​ട​ര്‍ച്ച​യാ​യ ന​ട​പ​ടി​ക​ളാ​ണ് ഇ​പ്പോ​ള്‍ ന​ട​ക്കു​ന്ന​ത്.