23ന് ഹാജരാകാൻ സോണിയക്ക് ഇ.ഡി സമൻസ്

ന്യൂഡൽഹി: കള്ളപ്പണം വെളുപ്പിക്കൽ കേസിൽ ജൂൺ 23ന് ചോദ്യം ചെയ്യലിന് ഹാജരാകാൻ കോൺഗ്രസ് അധ്യക്ഷ സോണിയ ഗാന്ധിക്ക് എൻഫോഴ്സ്മെന്റ് ഡയറക്ടറേറ്റ് സമൻസ് അയച്ചു. 75കാരിയായ സോണിയയോട് ജൂൺ എട്ടിന് ഹാജരാകാൻ ആവശ്യപ്പെട്ടെങ്കിലും അവർക്ക് കോവിഡ് ബാധിച്ചതിനാൽ തീയതി നീട്ടിനൽകുകയായിരുന്നു. രാഹുൽ ഗാന്ധിയെയും ഇതേ കേസിൽ ജൂൺ 13ന് ചോദ്യം ചെയ്യുമെന്നാണ് സൂചന. പാർട്ടി ഉടമസ്ഥതയിലുള്ള നാഷനൽ ഹെറാൾഡ് പത്രത്തിന്റെ സാമ്പത്തിക ക്രമക്കേടുകളെക്കുറിച്ചുള്ള അന്വേഷണവുമായി ബന്ധപ്പെട്ടതാണ് കേസ്.