ഇരിങ്ങാലക്കുട ടൗൺ ബാങ്ക്​; ഇൻഷുറൻസിന്​ അപേക്ഷിച്ചത്​ 14,000 പേർ; 497 കോടിക്ക്​ തുല്യം

തൃ​ശൂ​ർ: റി​സ​ർ​വ്​ ബാ​ങ്ക്​ ക​ർ​ശ​ന നി​യ​​ന്ത്ര​ണം ഏ​ർ​പ്പെ​ടു​ത്തി​യ ഇ​രി​ങ്ങാ​ല​ക്കു​ട ടൗ​ൺ ബാ​ങ്കി​ൽ​നി​ന്ന്​ നി​ക്ഷേ​പം തി​രി​കെ ല​ഭി​ക്കു​ന്ന​തി​ന്​ ഡെ​പ്പോ​സി​റ്റ് ഇ​ൻ​ഷു​റ​ൻ​സ് ആ​ൻ​ഡ് ക്രെ​ഡി​റ്റ് ഗ്യാ​ര​ണ്ടി കോ​ർ​പ​റേ​ഷ​ന്​ (ഡി‌.​ഐ‌.​സി.‌​ജി.‌​സി) അ​പേ​ക്ഷ ന​ൽ​കി​യ​ത്​ 14,000ത്തി​ൽ അ​ധി​കം പേ​ർ. മൊ​ത്തം 497 കോ​ടി​യോ​ളം രൂ​പ​ക്കാ​ണ്​ അ​പേ​ക്ഷി​ച്ചി​ട്ടു​ള്ള​തെ​ന്ന്​ ബാ​ങ്കി​ലെ ഉ​ന്ന​ത ഉ​ദ്യോ​ഗ​സ്ഥ​ൻ ‘മാ​ധ്യ​മ’​ത്തോ​ട്​ പ​റ​ഞ്ഞു.

ജൂ​ലൈ 30ന്​ ​ടൗ​ൺ ബാ​ങ്കി​ന്‍റെ പ്ര​വ​ർ​ത്ത​ന​ത്തി​ന്​ ക​ർ​ശ​ന നി​യ​ന്ത്ര​ണ​മേ​ർ​പ്പെ​ടു​ത്തി റി​സ​ർ​വ്​ ബാ​ങ്ക്​ പു​റ​ത്തി​റ​ക്കി​യ ഉ​ത്ത​ര​വി​ലാ​ണ്​ ഡി‌.​ഐ‌.​സി.‌​ജി.‌​സി പ​ദ്ധ​തി പ്ര​കാ​രം നി​ക്ഷേ​പ​ക​ർ​ക്ക്​ പ​ണം ല​ഭി​ക്കാ​ൻ അ​പേ​ക്ഷി​ക്കാ​മെ​ന്ന്​ വ്യ​ക്​​ത​മാ​ക്കി​യ​ത്. അ​ന്ന്​ ന​ൽ​കി​യ 45 ദി​വ​സ സ​മ​യ​പ​രി​ധി ക​ഴി​ഞ്ഞ ദി​വ​സം അ​വ​സാ​നി​ച്ചി​രു​ന്നു. അ​പേ​ക്ഷി​ച്ച​ 14,000ത്തി​ൽ അ​ധി​കം പേ​ർ​ക്ക്​ ഒ​ക്​​ടോ​ബ​ർ 28ന​കം പ​ണം ല​ഭി​ക്കും. അ​ഞ്ചു ല​ക്ഷം രൂ​പ വ​രെ​യാ​ണ്​ ഡി‌.​ഐ‌.​സി.‌​ജി.‌​സി വ​ഴി ല​ഭി​ക്കു​ക.

അ​തേ​സ​മ​യം, ബാ​ക്കി നി​ക്ഷേ​പ​ക​ർ​ക്ക്​ കൂ​ടി 75 ദി​വ​സ​ത്തി​ന​കം അ​പേ​ക്ഷി​ക്കാ​ൻ അ​വ​സ​ര​മു​ണ്ടാ​കു​മെ​ന്ന്​ ബാ​ങ്ക്​ അ​ധി​കൃ​ത​ർ സൂ​ചി​പ്പി​ച്ചു. ഇ​വ​ർ​ക്ക്​ ഒ​ക്ടോ​ബ​ർ 13 വ​രെ​യാ​ണ്​ അ​പേ​ക്ഷി​ക്കാ​ൻ സാ​ധി​ക്കു​ക. 930 കോ​ടി നി​ക്ഷേ​പ​മാ​ണ്​ ബാ​ങ്കി​ലു​ള്ള​ത്. മൂ​ന്നു​ വ​ർ​ഷ​മാ​യി ബാ​ങ്ക്​ ന​ഷ്ട​ത്തി​ൽ പ്ര​വ​ർ​ത്തി​ച്ച​തോ​ടെ​യാ​ണ്​ ജൂ​ലൈ 30ന്​ ​ആ​റു​ മാ​സ​ത്തേ​ക്ക്​ ബാ​ങ്കി​ങ്​ പ്ര​വ​ർ​ത്ത​ന​ങ്ങ​ൾ ഏ​താ​ണ്ട്​ പൂ​ർ​ണ​മാ​യി ത​ട​ഞ്ഞ്​ റി​സ​ർ​വ്​ ബാ​ങ്ക്​ ഉ​ത്ത​ര​വി​ട്ട​ത്. മൂ​ന്നു വ​ർ​ഷ​ത്തി​നി​ടെ മൊ​ത്തം 71 കോ​ടി​യി​ല​ധി​കം രൂ​പ​യു​ടെ ന​ഷ്ട​മാ​ണു​ണ്ടാ​യ​ത്.

ക​ഴി​ഞ്ഞ സാ​മ്പ​ത്തി​ക​വ​ർ​ഷം നി​ക്ഷേ​പ​ക​ർ​ക്ക്​ പ​ലി​ശ ഇ​ന​ത്തി​ൽ 55 കോ​ടി രൂ​പ ന​ൽ​കി​യ​പ്പോ​ൾ വാ​യ്പ​യു​ടെ പ​ലി​ശ​യാ​യി ബാ​ങ്കി​ന്​ തി​രി​കെ ല​ഭി​ച്ച​ത്​ 23 കോ​ടി രൂ​പ മാ​ത്ര​മാ​ണ്. ഡി‌.​ഐ‌.​സി.‌​ജി.‌​സി​യി​ലെ ഓ​ഡി​റ്റി​ങ്​ വി​ഭാ​ഗം ബാ​ങ്കി​ലെ​ത്തി പ​രി​ശോ​ധ​ന ന​ട​ത്തി​യ ശേ​ഷ​മാ​കും നി​ക്ഷേ​പ​ക​ർ​ക്ക്​ പ​ണം തി​രി​കെ ന​ൽ​കി തു​ട​ങ്ങു​ക. ഒ​ക്ടോ​ബ​ർ 28ന​കം ഇ​തു​വ​രെ അ​പേ​ക്ഷി​ച്ച​വ​ർ​ക്ക്​ അ​വ​ർ ന​ൽ​കി​യ അ​ക്കൗ​ണ്ടി​ലേ​ക്ക്​ പ​ണം കൈ​മാ​റും. അ​തേ​സ​മ​യം, അ​ഞ്ചു​ ല​ക്ഷം രൂ​പ​ക്ക്​ മു​ക​ളി​ൽ നി​ക്ഷേ​പ​മു​ള്ള​വ​ർ​ക്ക്​ ബാ​ക്കി തു​ക ബാ​ങ്കി​ന്​ റി​സ​ർ​വ്​ ബാ​ങ്ക്​ ഏ​ർ​പ്പെ​ടു​ത്തി​യ നി​യ​ന്ത്ര​ണം പി​ൻ​വ​ലി​ച്ച ശേ​ഷ​മേ ല​ഭി​ക്കൂ.