മാമ്പ്ര സ്കൂളിൽ മോഷണം; 89,000 രൂപ കവർന്നു

മാമ്പ്ര സ്കൂളിൽ മോഷണം; 89,000 രൂപ നഷ്ടപ്പെട്ടു മോഷ്ടിച്ചത്​ കുട്ടികളുടെ പരീക്ഷ ഫീസ് അടക്കാനുള്ള തുക കൊരട്ടി: മാമ്പ്ര യൂണിയൻ ഹയർ സെക്കൻഡറി സ്കൂളിൽ മോഷണം. കുട്ടികളുടെ പരീക്ഷ ഫീസ് അടയ്ക്കാൻ സ്കൂൾ അധികൃതർ അലമാരയിൽ സൂക്ഷിച്ച 89,000 രൂപ മോഷ്ടിച്ചു. തിങ്കളാഴ്ച പുലർച്ചെയോടെയാണ്​ മോഷണമെന്ന് അനുമാനിക്കുന്നു. രാവിലെ എത്തിയ ജീവനക്കാരാണ് മോഷണവിവരം അറിഞ്ഞത്. ഹയർ സെക്കൻഡറി വിഭാഗത്തിലെ നാല് അലമാരകൾ തുറന്ന നിലയിലായിരുന്നു. കൊരട്ടി പൊലീസ് എസ്.എച്ച്.ഒ ബി.കെ. അരുണിന്‍റെ നേതൃത്വത്തിൽ അന്വേഷണം ആരംഭിച്ചു. ഡോഗ് സ്ക്വാഡും വിരലടയാള വിദഗ്ധരും സ്ഥലത്തെത്തി തെളിവെടുപ്പ് നടത്തി.