അമൃത് പദ്ധതി: മൂന്ന് വർഷം പിന്നിട്ടിട്ടും സംസ്ഥാനത്ത് ചെലവഴിച്ചത് 52 ശതമാനം തുക മാത്രം

തൃ​ശൂ​ർ: കേ​ന്ദ്രാ​വി​ഷ്‌​കൃ​ത ന​ഗ​ര​വി​ക​സ​ന പ​ദ്ധ​തി​യാ​യ 'അ​മൃ​ത്' സം​സ്ഥാ​ന​ത്ത് ഇ​ഴ​യു​ന്നു. തു​ട​ങ്ങി മൂ​ന്ന് വ​ർ​ഷം പി​ന്നി​ട്ടി​ട്ടും ഇ​തു​വ​രെ ചെ​ല​വ​ഴി​ച്ച​ത് 52.64 ശ​ത​മാ​നം തു​ക മാ​ത്രം. പ​രി​ഗ​ണി​ച്ച 1002 പ​ദ്ധ​തി​ക​ൾ​ക്കാ​യി 2357.69 കോ​ടി അ​നു​വ​ദി​ച്ച​തി​ൽ 1256.76 കോ​ടി മാ​ത്ര​മാ​ണ് ചെ​ല​വ​ഴി​ച്ച​തെ​ന്നാ​ണ് ഏ​റ്റ​വും ഒ​ടു​വി​ല​ത്തെ ക​ണ​ക്ക്.

കൂ​ടു​ത​ൽ തു​ക വ​ക​യി​രു​ത്തി​യ മാ​ലി​ന്യ സം​സ്ക​ര​ണ പ​ദ്ധ​തി​ക​ളാ​ണ് പ​ല​യി​ട​ത്തും തു​ട​ങ്ങാ​നാ​വാ​ത്ത​ത്. പ്രാ​ദേ​ശി​ക എ​തി​ർ​പ്പു​ക​ളാ​ണ് ഇ​തി​ന് പി​ന്നി​ലെ​ന്നാ​ണ് പ​റ​യു​ന്ന​ത്. തി​രു​വ​ന​ന്ത​പു​രം, തൃ​ശൂ​ർ, പാ​ല​ക്കാ​ട്, കോ​ഴി​ക്കോ​ട്, ക​ണ്ണൂ​ർ, കൊ​ല്ലം, കൊ​ച്ചി, ഗു​രു​വാ​യൂ​ർ, ആ​ല​പ്പു​ഴ എ​ന്നി​വി​ട​ങ്ങ​ളി​ലാ​ണ് അ​മൃ​ത് പ​ദ്ധ​തി ന​ട​പ്പാ​ക്കു​ന്ന​ത്. തു​ക വി​നി​യോ​ഗ​ത്തി​ലും പ​ദ്ധ​തി പൂ​ർ​ത്തീ​ക​ര​ണ​ത്തി​ലും മു​ന്നി​ലു​ള്ള​ത് ആ​ല​പ്പു​ഴ ജി​ല്ല​യി​ൽ ആ​ല​പ്പു​ഴ ന​ഗ​ര​സ​ഭ​യും തൃ​ശൂ​ർ ജി​ല്ല​യി​ൽ ഗു​രു​വാ​യൂ​ർ ന​ഗ​ര​സ​ഭ​യു​മാ​ണ്. ആ​ല​പ്പു​ഴ​യി​ൽ 77.07 ശ​ത​മാ​ന​ത്തി​ലേ​റെ തു​ക ചെ​ല​വ​ഴി​ച്ച​പ്പോ​ൾ ഗു​രു​വാ​യൂ​ർ 64.20 ശ​ത​മാ​നം തു​ക​യാ​ണ് ചെ​ല​വി​ട്ട​ത്. 22.94 ശ​ത​മാ​നം ചെ​ല​വ​ഴി​ച്ച കൊ​ല്ല​മാ​ണ് ഏ​റ്റ​വും പി​ന്നി​ൽ.

ആ​ല​പ്പു​ഴ​യി​ൽ ഏ​റ്റെ​ടു​ത്ത 195ൽ 142 ​പ​ദ്ധ​തി​ക​ളും ഗു​രു​വാ​യൂ​രി​ൽ 33ൽ 12 ​പ​ദ്ധ​തി​ക​ളും പൂ​ർ​ത്തീ​ക​രി​ച്ച​താ​യും മ​റ്റു​ള്ള​വ​യു​ടെ നി​ർ​മാ​ണം പു​രോ​ഗ​മി​ക്കു​ക​യാ​ണെ​ന്നു​മാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം. ഏ​റ്റ​വും കൂ​ടു​ത​ൽ പ​ദ്ധ​തി​ക​ളു​ള്ള തി​രു​വ​ന​ന്ത​പു​ര​ത്ത് 270ൽ 231 ​പ​ദ്ധ​തി​ക​ളി​ലാ​യി 207.91 കോ​ടി ചെ​ല​വ​ഴി​ച്ചു.

50 ശ​ത​മാ​നം കേ​ന്ദ്ര വി​ഹി​ത​വും 30 ശ​ത​മാ​നം സം​സ്ഥാ​ന വി​ഹി​ത​വും 20 ശ​ത​മാ​നം ത​ദ്ദേ​ശ സ്ഥാ​പ​ന​ങ്ങ​ളു​ടെ വി​ഹി​ത​വും ഉ​ൾ​ക്കൊ​ള്ളു​ന്ന​താ​ണ് പ​ദ്ധ​തി. കു​ടി​വെ​ള്ള വി​ത​ര​ണം, സ്വീ​വേ​ജ്, ഫു​ട്പാ​ത്ത്, ആ​കാ​ശ​പ്പാ​ത, കാ​ന നി​ർ​മാ​ണം, പാ​ർ​ക്കു​ക​ളു​ടെ ന​വീ​ക​ര​ണം തു​ട​ങ്ങി​യ​വ​യാ​ണ് അ​മൃ​ത് പ​ദ്ധ​തി​യി​ൽ ന​ട​പ്പാ​ക്കു​ന്ന​ത്.

2015ലാ​ണ് കേ​ന്ദ്ര സ​ർ​ക്കാ​ർ പ​ദ്ധ​തി ആ​വി​ഷ്‌​ക​രി​ച്ച​തെ​ങ്കി​ലും 2017ലാ​ണ് ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​യി ഫ​ണ്ട് ന​ൽ​കി തു​ട​ങ്ങി​യ​ത്. തൃ​ശൂ​രി​ൽ അ​മൃ​ത് പ​ദ്ധ​തി​യി​ൽ ന​വീ​ക​ര​ണം ന​ട​ത്തി​യ നെ​ഹ്റു പാ​ർ​ക്ക് ഉ​ദ്ഘാ​ട​നം ചെ​യ്തു. ശ​ക്ത​ൻ ന​ഗ​റി​ൽ നി​ർ​മി​ക്കു​ന്ന ആ​കാ​ശ​പ്പാ​ത​യു​ടെ പ്രാ​രം​ഭ പ്ര​വ​ർ​ത്ത​നം പൂ​ർ​ത്തി​യാ​ക്കി​യെ​ങ്കി​ലും പി​ന്നെ നി​ല​ച്ചു.

മാ​ലി​ന്യ സം​സ്ക​ര​ണ പ​ദ്ധ​തി​ക​ൾ പ​ല​യി​ട​ത്തും തു​ട​ങ്ങാ​നാ​യി​ട്ടി​ല്ല. ത​ദ്ദേ​ശ സ്ഥാ​പ​ന​ങ്ങ​ളു​ടെ ഇ​ട​പെ​ട​ലോ​ടെ പ്ര​ശ്ന​ങ്ങ​ൾ പ​രി​ഹ​രി​ച്ച് പ​ദ്ധ​തി ന​ട​പ്പാ​ക്കാ​നാ​ണ് കേ​ന്ദ്ര-​സം​സ്ഥാ​ന നി​ർ​ദേ​ശം.

അ​മൃ​ത് പ​ദ്ധ​തി പ്ര​കാ​ര​മു​ള്ള പ്ര​വ​ർ​ത്ത​നം എ​ല്ലാ​യി​ട​ത്തും ന​ട​ക്കു​ന്നു​ണ്ടെ​ന്നും മാ​ലി​ന്യ സം​സ്‌​ക​ര​ണ പ​ദ്ധ​തി​ക​ൾ ആ​രം​ഭി​ക്കാ​ൻ സ്ഥ​ലം ക​ണ്ടെ​ത്താ​നു​ള്ള ബു​ദ്ധി​മു​ട്ട് ഏ​റെ​യാ​ണെ​ന്നും തി​രു​വ​ന​ന്ത​പു​രം ഉ​ൾ​പ്പെ​ടെ ചി​ല സ്ഥ​ല​ങ്ങ​ളി​ൽ ഇ​ത്ത​രം പ​ദ്ധ​തി​ക​ൾ പൂ​ർ​ത്തി​യാ​ക്കാ​ൻ ക​ഴി​ഞ്ഞ​താ​യും അ​മൃ​ത് മി​ഷ​ൻ ഡ​യ​റ​ക്ട​ർ രേ​ണു​രാ​ജ് പ​റ​ഞ്ഞു. നി​ല​വി​ലെ പ​ദ്ധ​തി​ക​ൾ പൂ​ർ​ത്തി​യാ​ക്കാ​ൻ 2023 മാ​ർ​ച്ച് വ​രെ​യാ​ണ് കാ​ലാ​വ​ധി.