പദയാത്ര: മഹിള കോൺഗ്രസ്​ 500 പ്രവർത്തകരെ പ​ങ്കെടുപ്പിക്കും

തൃശൂർ: ഡി.സി.സി പ്രസിഡന്‍റ്​ ജോസ് വള്ളൂർ നയിക്കുന്ന നവസങ്കൽപ് പദയാത്രയിൽ ഓരോ സമാപന സമ്മേളനത്തിലും 500 പ്രവർത്തകരെ പങ്കെടുപ്പിക്കാൻ മഹിള കോൺഗ്രസ് ജില്ല കമ്മിറ്റി തീരുമാനിച്ചു. ജാഥയുടെ സ്ഥിരാംഗങ്ങളായി ഓരോ മണ്ഡലത്തിൽനിന്നും അഞ്ചുപേർ പങ്കെടുക്കും. ജില്ല ജനറൽ ബോഡി യോഗം ഡി.സി.സി പ്രസിഡന്‍റ് ജോസ് വള്ളൂർ ഉദ്ഘാടനം ചെയ്തു. പ്രസിഡന്‍റ് ലീലാമ്മ തോമസ് അധ്യക്ഷത വഹിച്ചു.