വേനൽ മഴ: എരവത്തൂരിൽ 12 ഏക്കർ നെൽകൃഷി നശിച്ചു

കനത്ത മഴ എരവത്തൂരിൽ 12 ഏക്കർ നെൽകൃഷി വെള്ളത്തിൽ മാള: വേനൽമഴയിൽ കുഴൂരിൽ കൃഷിനാശം. എരവത്തൂർ തലയാകുളം പാടശേഖരത്തിലെ 12 ഏക്കർ പൊന്മണി നെൽകൃഷിയാണ്​ നശിച്ചത്​. വിളഞ്ഞ്​ പാകമായ നെൽകതിരുകൾ മുഴുവൻ നശിച്ച നിലയിലാണ്. എരവത്തൂർ വെളിയംപറമ്പത്ത് നന്ദനൻ, കുന്നത്ത് വളപ്പിൽ ദാസൻ, മാളക്കാരൻ ജോണി എന്നിവരുടെയാണ്​ നശിച്ച കൃഷി​. ഇനി എന്ത് ചെയ്യണമെന്നറിയാത്ത അവസ്ഥയിലാണ് ഇവർ. സർക്കാർ സഹായത്തിൽ മാത്രമാണ് ഇവരുടെ പ്രതീക്ഷ. കൃഷി നശിച്ചവർക്ക്​ വിത്തും വളവും സൗജന്യമായി നൽകണമെന്ന്​ ആവശ്യമുയർന്നിട്ടുണ്ട്​. കർഷകർക്ക് താങ്ങാകാൻ കൃഷി വകുപ്പ് തയാറാകണമെന്ന് പാടശേഖര സമിതി അഭിപ്രായപെട്ടു. ഫോട്ടോ: വേനൽമഴയിൽ വെള്ളത്തിലായ എരവത്തൂർ തലയാകുളം പാടശേഖരം TCM- MLA- venalmazha - nelkrishi