ഏങ്ങണ്ടിയൂരിൽ 10 മത്സ്യത്തൊഴിലാളികൾക്ക് കോവിഡ്

വാടാനപ്പള്ളി: ട്രോളിങ് കഴിഞ്ഞാൽ മത്സ്യബന്ധനം നടത്താനുള്ള ലക്ഷ്യത്തിൽ കുളച്ചലിൽനിന്നും ബംഗാളിൽനിന്നുമായി ഏങ്ങണ്ടിയൂരിൽ എത്തി ക്വാറൻറീനിൽ കഴിഞ്ഞിരുന്ന 10 മത്സ്യത്തൊഴിലാളികൾക്ക് കോവിഡ്. ചേറ്റുവ ഹാർബറിൽനിന്ന് ബോട്ടിൽ മത്സ്യബന്ധനത്തിന് പോകാനായാണ് കന്യാകുമാരി കുളച്ചലിൽനിന്ന് എട്ടുപേരും ബംഗാളിൽനിന്ന് ഏഴുപേരും ജൂലൈ 13, 14 തീയതികളിലായി എത്തിയത്. ഒരേ ബോട്ടിൽ മത്സ്യം പിടിക്കാനാണ് വന്നത്. ഇവർ 15 പേരും ഏങ്ങണ്ടിയൂരിലെ രണ്ട് നില വീട്ടിലാണ് കഴിഞ്ഞത്. വരുന്നവഴി ഒരാളുടെ സ്രവം പരിശോധിച്ചിരുന്നു. ഫലം വന്നപ്പോൾ ഇയാൾക്ക് പോസിറ്റിവായി. തുടർന്നാണ് മറ്റ് 14 പേരുടേയും സ്രവം പരിശോധനക്കയച്ചത്​. ഇതിലാണ് ഒമ്പതുപേർക്കും പോസിറ്റിവായത്‌.