'അതിഥി തൊഴിലാളി രജിസ്ട്രേഷൻ കർശനമാക്കണം'

ചാലക്കുടി: നഗരസഭ പരിധിയിലെ മുഴുവൻ വാർഡുകളിലും അതിഥി തൊഴിലാളി രജിസ്ട്രേഷൻ നടപടികൾ കർശനമായി നടപ്പാക്കണമെന്നും ഇവർക്ക് തിരിച്ചറിയൽ കാർഡ്​ നിർബന്ധമാക്കണമെന്നും ചാലക്കുടി റെസിഡന്‍റ്​സ്​ അസോസിയേഷൻ കോഓഡിനേഷൻ ട്രസ്റ്റ് യോഗം പൊലീസിനോടും നഗരസഭ അധികൃതരോടും ആവശ്യപ്പെട്ടു. യോഗം ചാലക്കുടി എസ്​.ഐ ഡേവിസ് ഉദ്ഘാടനം ചെയ്തു. ആർ.എൽ.വി രാമകൃഷ്ണൻ മുഖ്യാതിഥിയായി. ക്രാക്റ്റ് പ്രസിഡന്‍റ്​ പോൾ പാറയിൽ അധ്യക്ഷത വഹിച്ചു. പി.ഡി. ദിനേശ്, വി.ജി. ഗോപിനാഥ്, ലൂവീസ് മേലേപ്പുറം, എ. രാധാകൃഷ്ണൻ, കെ.സി. രാമചന്ദ്രൻ, ചന്ദ്രൻ, ബീന ഡേവിസ് തുടങ്ങിയവർ സംസാരിച്ചു.