കരിങ്കല്‍ ഉല്‍പന്നങ്ങള്‍ക്ക് വില കൂട്ടിയതിനെതിരെ ടിപ്പര്‍ ഡ്രൈവർമാരുടെ സമരം

വെള്ളിക്കുളങ്ങര: പോത്തന്‍ചിറയിലെ സ്വകാര്യ പാറമടയില്‍ കരിങ്കല്‍ ഉൽപന്നങ്ങള്‍ക്ക് വിലവര്‍ധിപ്പിച്ചതില്‍ പ്രതിഷേധിച്ച് അനിശ്ചിതകാല സമരം തുടങ്ങിയതായി കോടാലി മേഖല ടിപ്പര്‍ ഡ്രൈവേഴ്‌സ് യൂനിയന്‍ അറിയിച്ചു. വില വര്‍ധനവ് പിന്‍വലിക്കണമെന്ന ആവശ്യം ഉടമകള്‍ അംഗീകരിക്കാത്തതില്‍ പ്രതിഷേധിച്ചാണ് സമരം. യോഗത്തിൽ ജയന്‍ ചവറക്കാടന്‍ അധ്യക്ഷത വഹിച്ചു. രോഹില്‍ രാധാകൃഷ്ണന്‍, ജയന്‍ വരന്തരപ്പിള്ളി, സുഭാഷ് തണ്ടാശേരി, ബസന്ത് ബാലചന്ദ്രന്‍ എന്നിവര്‍ സംസാരിച്ചു. പ്രശ്‌നപരിഹാരത്തിന് ഇടപെടണമെന്നാവശ്യപ്പെട്ട് മറ്റത്തൂര്‍ പഞ്ചായത്ത് പ്രസിഡന്‍റിന് യൂനിയന്‍ ഭാരവാഹികള്‍ നിവേദനം നല്‍കി.