സ്മിതക്കായി സ്​നേഹവീട്​ ഒരുങ്ങുന്നു

സ്മിതക്കായി സ്നേഹവീട്​ ഒരുങ്ങുന്നു ഇരിങ്ങാലക്കുട: സ്വന്തം വീടെന്ന ഇരിങ്ങാലക്കുട പെരുവല്ലിപ്പാടം സ്വദേശി ഗുരുവിലാസം സ്മിത ചന്ദ്രന്‍റെ സ്വപ്നം യാഥാർഥ്യമാകുന്നു. നാഷനൽ സർവിസ് സ്കീം ടെക്നിക്കൽ സെല്ലും ജനകീയ സമിതിയും സംയുക്തമായാണ് സ്നേഹഭവനം നിർമിച്ച് നൽകുന്നത്. കൊരിമ്പിശ്ശേരിയിൽ നടന്ന ചടങ്ങിൽ ഡോ. ആർ. ബിന്ദു നിർമാണോദ്​ഘാടനം നിർവഹിച്ചു. നഗരസഭ അനുവദിച്ച് നൽകിയ നാല്​ സെന്‍റ്​ സ്ഥലത്ത്​ ഏഴ്​ ലക്ഷത്തോളം രൂപ ചെലവിൽ 500 ചതുരശ്ര അടിയുള്ള വീടാണ്​ നിർമിക്കുന്നത്​. വിദ്യാർഥികൾ, അധ്യാപകർ, സാമൂഹികപ്രതിബദ്ധതയുള്ള പൊതുജനങ്ങൾ എന്നിവരുടെ കൂട്ടായ പരിശ്രമത്തിലൂടെയാണ് വീടൊരുങ്ങുക. യോഗത്തിൽ എൻ.എസ്.എസ് ടെക്​നിക്കൽ സെൽ കോഓഡിനേറ്റർ ഡോ. എസ്. അജിത അധ്യക്ഷത വഹിച്ചു. മുനിസിപ്പൽ കൗൺസിലർമാരായ അഡ്വ. കെ.ആർ. വിജയ, അമ്പിളി ജയൻ എന്നിവർ സംസാരിച്ചു. പ്രോഗ്രാം കമ്മിറ്റി ചെയർമാൻ ജയൻ അരിമ്പ്ര സ്വാഗതവും പ്രോഗ്രാം കമ്മിറ്റി കൺവീനർ ഷൈലജ ടീച്ചർ നന്ദിയും പറഞ്ഞു.