പുതുക്കാട് റെയില്‍വേ ഓവര്‍ ബ്രിഡ്ജ്; സ്ഥലമേറ്റെടുക്കാൻ തുക അനുവദിച്ചു

ആമ്പല്ലൂർ: പുതുക്കാട് റെയില്‍വേ ഓവര്‍ ബ്രിഡ്ജ് നിര്‍മാണത്തിന് സ്ഥലമേറ്റെടുക്കാൻ കിഫ്ബി തുക അനുവദിച്ചതായി കെ.കെ. രാമചന്ദ്രന്‍ എം.എല്‍.എ അറിയിച്ചു. 10.87 കോടി രൂപയാണ്​ അനുവദിച്ചത്. പുതുക്കിയ ഡി.പി.ആറിന് റെയില്‍വേ അനുമതി ലഭിക്കുന്ന മുറക്ക് സ്ഥലമേറ്റെടുക്കല്‍ നടപടികള്‍ പൂര്‍ത്തീകരിച്ച് നിര്‍മാണം ആരംഭിക്കുമെന്നും എം.എല്‍.എ അറിയിച്ചു.