ഇഫ്താറുകൾക്ക്​ മാമ്പഴ മധുരം

തൃശൂര്‍: ഇത്തവണ റമദാനിൽ മാമ്പഴ പ്രവാഹമാണ്​. മഴ എത്തിയതോടെ നാടൻ ഇനങ്ങൾക്ക്​ ആവശ്യക്കാർ കുറഞ്ഞെങ്കിലും ആ​ന്ധ്രയിൽനിന്നും തമിഴ്​നാട്ടിൽനിന്നും മാമ്പഴം ഒഴുകുകയാണ്​. പ്രധാനമായും എട്ട്​ ഇനങ്ങളാണ്​ വിപണിയിലുള്ളത്​. മധുരത്തി​ന്‍റെ അവസാന വാക്കായ ഹിമാപസന്ത്​, മൽഗോവ എന്നിവയാണ്​ താരങ്ങൾ. ഹിമപസന്തിന്​ 100 രൂപയാണ്​ കിലോക്ക്​ മൊത്തവിപണിയിൽ വില. 140-150 രൂപയാണ്​ ചില്ലറ വില. 85 രൂപയുള്ള മൽഗോവയുടെ ചില്ലറ വില 130 രൂപയുമാണ്​. നീലൻ (65-100), സിന്ദൂരം (60 - 75), കിളിചുണ്ടൻ (20 - 60), മല്ലിക (50-70), ആപ്പൂസ്​ (40-60), ബങ്കനാപ്പിള്ളി (75-120) കാലാപാഡി (90-140) എന്നിങ്ങനെയാണ്​ മാമ്പഴം ഇപ്പോൾ വിപണിയിലുള്ളത്​. മഴ പെയ്തതോടെ നാടൻ ഇനങ്ങളായ പ്രിയൂർ, മൂവാണ്ടന്‍ അടക്കം മാങ്ങകൾക്ക്​ പ്രിയം കുറഞ്ഞിട്ടുണ്ട്​.​ 70-80 രൂപയുള്ള പ്രിയൂരിന് ചില്ലറ വില 120 രൂപ വരെയുണ്ട്​. അടുത്ത ആ​ഴ്ചയോടെ മുതലമടയിൽനിന്ന്​ മാമ്പഴങ്ങൾ എത്തുന്നതോടെ വിപണി കുടുതൽ സജീവമാവും. ഹുദാദത്ത്, മല്ലിക, ആപ്പൂസ്​, റൊമാനിയൊ, ചന്ദ്രകാരന്‍, തോത്താപുരി, ഗോവ, കൊളംബ് ഇനങ്ങൾ ഇതോടെ വിപണിയിലെത്തുമെന്ന്​ തൃശൂർ പി.എം.ജി ഫ്രൂട്ട്​സ്​ ഉടമ പി.എ. ഷമീർ മാധ്യമത്തോട്​ പറഞ്ഞു. ------ ഫോട്ടോ: tr fruits market: തൃശൂർ നഗരത്തിലെ ഫ്രൂട്ട് മാർക്കറ്റിൽനിന്ന്​