മേത്തലയിൽ സാമൂഹിക വിരുദ്ധർ വൈദ്യുതി വിതരണം തടസ്സപ്പെടുത്തി

മേത്തല: . കടുക്കച്ചുവട് കൈമാപറമ്പിൽ ക്ഷേത്രത്തിന് സമീപത്തെ ട്രാൻസ്​ഫോർമറിലെ അഞ്ച് ഫ്യൂസുകളാണ് സാമൂഹിക വിരുദ്ധർ ഊരി വലിച്ചെറിഞ്ഞത്. കൂടാതെ സമീപത്തെ തെരുവ് വിളക്കും എറിഞ്ഞുപൊട്ടിച്ചു. ശനിയാഴ്ച അർധരാത്രിയാണ് സംഭവം. ഫ്യൂസുകൾ ഊരിയതോടെ പ്രദേശത്തെ 250ഓളം വീടുകളിലേക്കുള്ള വൈദ്യുതി വിതരണം നിലച്ചു. അധികൃതർ തെരച്ചിൽ നടത്തിയതോടെ സമീപത്തെ ഒഴിഞ്ഞ പറമ്പിൽനിന്ന്​ ഫ്യൂസുകൾ കണ്ടെത്തി. സംഭവത്തെത്തുടർന്ന് കെ.എസ്.ഇ.ബി അസി. എൻജിനീയറും നാട്ടുകാരും പൊലീസിൽ പരാതി നൽകി. പ്രദേശത്തെ വൈദ്യുതി വിതരണം തടസ്സപ്പെടുത്തിയ സാമൂഹിക വിരുദ്ധർക്കെതിരെ നടപടി സ്വീകരിക്കണമെന്ന് നഗരസഭ കൗൺസിലർമാരായ ജിനി നിധിൻ, ഇ.ജെ. ഹിമേഷ് എന്നിവർ ആവശ്യപ്പെട്ടു.