വിഷു: പച്ചക്കറി വിപണി സജീവം

മാള: വിഷുവിന്​ ഒരുദിവസം മാത്രം ബാക്കി നിൽക്കേ പച്ചക്കറി വിപണി സജീവമായി. പതിവുപോലെ കണിവെള്ളരിക്ക് തന്നെയാണ്​ ഡിമാൻഡ്​​. ​കണി വെക്കാനുള്ള ചെറിയ ചക്കയും സുലഭമാണ്​. പൊട്ടുവെള്ളരി എത്തിയെങ്കിലും വിൽപന കുറഞ്ഞു. പടക്ക വിപണിയിൽ ഇത്തവണ പൊള്ളുന്ന വിലയാണ്​. പൂത്തിരി, കമ്പിത്തിരി എന്നിവക്ക്​ നല്ല വിൽപനയുണ്ട്​. ഗുണ്ട്, ഓലപ്പടക്കം എന്നിവക്ക് ഡിമാൻഡ്​​ കുറഞ്ഞു. ചൈനീസ് നിർമിത പടക്കങ്ങൾ കുറവാണ്​. കോവിഡ് ഭീഷണി കുറഞ്ഞതിനാൽ വ്യാപാര സ്ഥാപനങ്ങളിൽ തിരക്കുണ്ട്​.