സജിയുടെ ആത്മഹത്യ: അസ്വാഭാവിക മരണത്തിന്​ കേസ്​

പീച്ചി: സി.ഐ.ടി.യു തൊഴിലാളിയായിരുന്ന സജി ആത്മഹത്യ ചെയ്ത സംഭവത്തിൽ പീച്ചി പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. ഇയാളുടെ മരണത്തെ തുടർന്ന് സഹോദരൻ ബിജു നൽകിയ പരാതിയിലും സി.പി.എം നേതാക്കളെ മർദിച്ചതായുള്ള പരാതിയിലും പൊലീസ് അന്വേഷണമുണ്ട്​. പരാതിക്കാരുടെ മൊഴി എടുത്ത ശേഷം തുടർനടപടികൾ ഉണ്ടാകുമെന്ന്​ അധികൃതർ അറിയിച്ചു. സജി ഉൾപ്പെടെയുള്ള തൊഴിലാളികൾ സി.ഐ.ടി.യു വിടുകയും സ്വതന്ത്ര സംഘടനക്ക് രൂപം നൽകുകയും ചെയ്തിരുന്നു. ഇത് സംബന്ധിച്ച് സജിക്ക് ഭീഷണി ഉണ്ടായിരുന്നു എന്നാണ് സഹോദരന്‍റെ പരാതിയിൽ പറയുന്നത്.