ഇരിങ്ങാലക്കുടയിൽ മരങ്ങൾ വീണ് ഗതാഗതം നിലച്ചു

ഇരിങ്ങാലക്കുട: മേഖലയിൽ മരങ്ങൾ വീണ് വൈദ്യുതി നിലക്കുകയും ഗതാഗതം തടസ്സപ്പെടുകയും ചെയ്തു. കരുവന്നൂരിൽ വലിയ പാലത്തിന് സമീപം വൈകീട്ട് ആറരയോടെ മരം വീഴുകയും ഏറെ നേരം ഗതാഗതം മുടങ്ങുകയും ചെയ്തു. വൈദ്യുതി ബോർഡ്​ ജീവനക്കാരെത്തി മരം മുറിച്ചുനീക്കിയ ശേഷമാണ്​ ഗതാഗതം പുനഃസ്ഥാപിച്ചത്. കാറളം പ്രദേശത്തും മരം വീണ് വൈദ്യുതി മുടങ്ങുകയും ഗതാഗത തടസ്സം ഉണ്ടാകുകയും ചെയ്തു. ഇരിങ്ങാലക്കുട നഗരസഭ പ്രദേശത്തും വൈദ്യുതി നിലച്ചു.