സ്റ്റുഡന്‍റ്​ കൗണ്‍സിലർ നിയമനം

ചാലക്കുടി: ട്രൈബല്‍ ഡെവലപ്മെന്‍റ്​ ഓഫിസിന്‍റെ നിയന്ത്രണത്തിലുള്ള മോഡല്‍ റെസിഡന്‍ഷ്യല്‍ സ്‌കൂള്‍, പ്രീമെട്രിക് ഹോസ്റ്റലുകള്‍ എന്നിവിടങ്ങളില്‍ 2022-23 അധ്യയനവര്‍ഷത്തില്‍ സ്റ്റുഡന്‍റ്​ കൗണ്‍സിലര്‍ കരാര്‍ നിയമനത്തിന്​ അപേക്ഷ ക്ഷണിച്ചു. വെള്ളക്കടലാസില്‍ തയാറാക്കിയ അപേക്ഷ, ബയോഡാറ്റ, വയസ്സ്​, ജാതി, വിദ്യാഭ്യാസ യോഗ്യത, പ്രവൃത്തിപരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പ് സഹിതം ഏപ്രില്‍ 30നകം ട്രൈബല്‍ ഡെവലപ്മെന്‍റ്​ ഓഫിസര്‍, ട്രൈബല്‍ ഡെവലപ്മെന്‍റ്​ ഓഫിസ്, മിനി സിവില്‍ സ്റ്റേഷന്‍, ചാലക്കുടി -680307 എന്ന വിലാസത്തില്‍ ലഭ്യമാക്കണം. ഫോൺ: 0480 2960400, 2706100. മെഡിക്കൽ ക്യാമ്പ് ചാലക്കുടി: ലയൺസ് ക്ലബ്-ചുങ്കത്ത് ജ്വല്ലറി ചാരിറ്റബിൾ ഫൗണ്ടേഷൻ പദ്ധതിയുടെ ഭാഗമായി 'കാതോരം 2022' പേരിൽ ശ്രവണ സൗഹൃദ ചാലക്കുടിയെന്ന ലക്ഷ്യത്തോടെ സംഘടിപ്പിച്ച മെഡിക്കൽ ക്യാമ്പ് നഗരസഭ ചെയർമാൻ വി.ഒ. പൈലപ്പൻ ഉദ്ഘാടനം ചെയ്തു. പ്രസിഡന്‍റ്​ ബീന സാജു അധ്യക്ഷത വഹിച്ചു. സി.പി. പോൾ ചുങ്കത്ത് പദ്ധതി വിശദീകരിച്ചു. ലയൺസ് ക്ലബ്​ മൾട്ടിപ്പിൾ ചെയർമാൻ സാജു പാത്താടൻ, ജോർജ് മോറേലി, ചാലക്കുടി മർച്ചന്‍റ്​സ്​ അസോസിയേഷൻ പ്രസിഡന്‍റ്​ ജോയ് മൂത്തേടൻ, സ്പീച്ച് ആൻഡ്​ ഹിയറിങ്​ സ്പെഷലിസ്റ്റ് തോമസ് എഫാത്ത, വാർഡ് കൗൺസിലർമാരായ വി.ജെ. ജോജി, ടി.ഡി. എലിസബത്ത്, രഞ്ജിത്ത് പോൾ എന്നിവർ സംസാരിച്ചു. ശ്രവണ സഹായ ഉപകരണ വിതരണവും പരിശീലനവും ഉണ്ടായി.