മൗണ്ടനിയറിങ്​ അക്കാദമി ഉദ്ഘാടനം പത്തിന്

തൃശൂർ: ജില്ല മൗണ്ടനിയറിങ്​ അസോസിയേഷന്‍റെ ആഭിമുഖ്യത്തിൽ താണിക്കുടം തളിയംപാറ കേന്ദ്രീകരിച്ച് മൗണ്ടനിയറിങ്​ അക്കാദമി സ്ഥാപിക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. ഏപ്രിൽ പത്തിന് ഉച്ചക്കുശേഷം രണ്ടിന്​ തളിയംപാറയിൽ റവന്യുമന്ത്രി കെ. രാജൻ ഉദ്ഘാടനം നിർവഹിക്കും. പത്ത് വയസ്സ്​ മുതൽ പ്രായമുള്ളവർക്കാണ് പരിശീലനം. അഞ്ച് ദിവസത്തെ പ്രാഥമിക പരിശീലനവും തുടർന്ന് അഡ്വാൻസ്ഡ് പരിശീലനവും നൽകും. ട്രക്കിങ്​ ക്യാമ്പുകളും സംഘടിപ്പിക്കും. വാർത്തസമ്മേളനത്തിൽ എസ്. കുമാർ അന്തിക്കാട്, ഡേവിസ് സെബാസ്റ്റ്യൻ, പി.ആർ. പ്രവീൺ, ജവാൻ സന്തോഷ്, എം.എം. രവീന്ദ്രൻ എന്നിവർ പങ്കെടുത്തു.