ജില്ല ഖാസി ബൈഅത്ത് സംഗമം മെയ് അഞ്ചിന്

ജില്ല ഖാദി ബൈഅത്ത് സംഗമം മേയ് അഞ്ചിന് തൊഴിയൂർ: ജില്ലയിലെ മഹല്ലുകളിലെ ഖാദിയായിരുന്ന ഹൈദരലി ശിഹാബ് തങ്ങളുടെ വിയോഗാനന്തരം സാദിഖലി ശിഹാബ് തങ്ങളെ ജില്ലയിലെ മഹല്ലുകളിലെ ഖാദിയായി ബൈഅത്ത് ചെയ്യാൻ സുന്നി മഹല്ല് ഫെഡറേഷൻ വിളിച്ചുചേർത്ത സമസ്ത പോഷക ഘടകങ്ങളുടെ സംയുക്ത യോഗം തീരുമാനിച്ചു. ജില്ല ഖാദി ബൈഅത്ത് സംഗമം മേയ് അഞ്ചിന് തൊഴിയൂർ ദാറു റഹ്മയിൽ നടക്കും. ഇതിനായി സമസ്ത ജില്ല പോഷക ഘടകങ്ങളുടെ സംയുക്ത സംഘാടക സമിതി രൂപവത്​കരിച്ചു. സുന്നി മഹല്ല് ഫെഡറേഷൻ ജില്ല പ്രസിഡന്‍റ്​ എ.വി. അബൂബക്കർ ഖാസിമി അധ്യക്ഷത വഹിച്ചു. സുലൈമാൻ അൻവരി പ്രാർഥന നടത്തി. എസ്.എം.എഫ് സംസ്ഥാന സെക്രട്ടറി ഹംസ ബിൻ ജമാൽ റംലി, സുലൈമാൻ ദാരിമി, സമസ്ത ജില്ല വൈസ് പ്രസിഡന്‍റ്​ അബ്ദുൽ കരീം ഫൈസി, ഷംസുദ്ദീൻ വില്ലന്നൂർ, എം.എച്ച് നൗഷാദ് എന്നിവർ സംസാരിച്ചു.