തഹ്ഫീളുൽ ഖുർആൻ സംഗമം

കയ്പമംഗലം: കൊപ്രക്കളം ബുസ്താനുൽ ഉലൂം ഖുർആൻ അക്കാദമിയിൽ തഹ്‌ഫീളുൽ ഖുർആൻ സംഗമവും സനദ് ദാനവും നടത്തി. ബുസ്താൻ ഡയറക്ടർ അബ്ദുറഹ്‌മാൻ സലഫി സനദ് ദാന ചടങ്ങ് ഉദ്‌ഘാടനം ചെയ്‌തു. ബുസ്താൻ പ്രസിഡന്‍റ്​ ഹസ്സൻ മുഹമ്മദ് അധ്യക്ഷത വഹിച്ചു. വൈസ് പ്രസിഡന്‍റ്​ മുഹ്‌യിദ്ദീൻ മദനി സനദ് ദാനം നടത്തി. അബ്ദുൽ ഖാദർ സമ്മാനദാനം നിർവഹിച്ചു. പ്രിൻസിപ്പൽ ഹാഫിള്​ ത്വാഹിർ ഹസനി, പി.കെ. മുഹമ്മദ്, സെക്രട്ടറി ഇ.കെ. ഇബ്രാഹിം കുട്ടി മൗലവി, ടി.കെ. അബ്ബാസ് ബുസ്‌താനി, ഇസ്‌മായിൽ ബുസ്‌താനി, അബ്ദുൽ കരീം സ്വലാഹി, ഫവാസ് അൽഐനി എന്നിവർ സംസാരിച്ചു. ഈ വർഷം ഏഴ്​ വിദ്യാർഥികളാണ് അക്കാദമിയിൽനിന്ന്​ ഖുർആൻ ഹിഫ്ള് പഠനം പൂർത്തീകരിച്ചത്.