അപേക്ഷ ക്ഷണിച്ചു

ഡേറ്റ എന്‍ട്രി ആൻഡ്​ ഓഫിസ് ഓട്ടോമേഷന്‍: കല്ലേറ്റുംകര: ഐ.എച്ച്.ആര്‍.ഡിയുടെ കല്ലേറ്റുംകര മോഡൽ പോളിടെക്നിക് കോളജിൽ നാഷനൽ ഓഫ് ഇലക്ട്രോണിക്സ് ആൻഡ്​ ഇൻഫർമേഷൻ ടെക്നോളജിയുടെ (എന്‍.ഐ.ഇ.എല്‍.ടി) ആഭിമുഖ്യത്തില്‍ ആരംഭിക്കുന്ന ഡേറ്റ എന്‍ട്രി ആൻഡ്​ ഓഫിസ് ഓട്ടോമേഷന്‍ സൗജന്യ കോഴ്സിന് എസ്.സി/എസ്.ടി വിദ്യാര്‍ഥികളില്‍നിന്ന്​ . പ്ലസ് ടു, ഐ.ടി.ഐ 50 ശതമാനം മാര്‍ക്കോടെ വിജയിച്ചവർക്കാണ് അവസരം. താല്‍പര്യമുള്ളവര്‍ ഏപ്രില്‍ അഞ്ചിനകം കല്ലേറ്റുംകര പോളി ടെക്നിക്കിൽ അപേക്ഷ സമര്‍പ്പിക്കണം. ഫോണ്‍: 9497072620. യാത്രയയപ്പ് നൽകി ആമ്പല്ലൂർ: കൊടകര ബി.ആർ.സി 'സാദരം 2022' പേരിൽ യാത്രയയപ്പ്​ സംഘടിപ്പിച്ചു. കൊടകര ബ്ലോക്ക് പഞ്ചായത്ത് ഹാളിൽ നടന്ന പരിപാടിയിൽ സർവിസിൽനിന്ന്​ വിരമിക്കുന്ന പ്രിൻസിപ്പൽമാർക്കും പ്രധാനാധ്യാപകർക്കും യാത്രയയപ്പ് നൽകി. കെ.കെ. രാമചന്ദ്രൻ എം.എൽ.എ ഉദ്ഘാടനം ചെയ്തു. ബ്ലോക്ക് പഞ്ചായത്ത് വൈസ് പ്രസിഡന്റ് ഷീല ജോർജ് അധ്യക്ഷത വഹിച്ചു. ബി.ആർ.സി ബി.പി.ഒ കെ. നന്ദകുമാർ, തൃശൂർ വിദ്യാഭ്യാസ ഡയറക്ടർ ടി.വി. മദനമോഹൻ, എസ്.എസ്.കെ ജില്ല പ്രോജക്ട്​ കോഓഡിനേറ്റർ എൻ.ജെ. ബിനോയ്‌, മറ്റു ഉദ്യോഗസ്ഥർ, അധ്യാപകർ തുടങ്ങിയവർ പങ്കെടുത്തു.