ടാറിങ്ങ് പാതിവഴിയിൽ; ജനം ദുരിതത്തിൽ

ടാറിങ്​ പാതിവഴിയിൽ; ജനം ദുരിതത്തിൽ ചാലക്കുടി: മേലൂർ പഞ്ചായത്തിലെ മുരിങ്ങൂർ-ഏഴാറ്റുമുഖം റോഡ്​ ടാറിങ്​ പൂർത്തിയാക്കാത്തത് ദുരിതമാകുന്നു. റോഡ്​ നവീകരണത്തിന്‍റെ ഭാഗമായി കല്ലുകുത്തി മുതൽ കുന്നപ്പിള്ളി വരെയുള്ള ടാറിങ്ങിനായി നാട്ടുകാർ കാത്തിരിക്കാൻ തുടങ്ങിയിട്ട്​ ആറുമാസമായി. പ്രതിസന്ധികൾക്കും പ്രതിഷേധങ്ങൾക്കുമൊടുവിൽ കല്ലുകുത്തി മുതൽ ടാറിങ്​ ആരംഭിച്ചെങ്കിലും അത്​ വി.ബി.യു.പി സ്കൂൾ വരെ എത്തി നിൽക്കുകയാണ്​. അവിടെനിന്ന് എടത്രക്കാവ് അമ്പലത്തിന്‍റെ ഭാഗം വരെ റോഡിലെ പൊടി കളഞ്ഞ് എമൽഷൻ അടിച്ചുവെങ്കിലും കഴിഞ്ഞ ഒരാഴ്ചയായി ടാറിങ്​ നിലച്ചിരിക്കുകയാണ്​. കല്ലുകുത്തി മുതൽ പൂലാനിവരെ ടാർ ചെയ്ത ഭാഗങ്ങളിൽ രണ്ടിടത്ത്​ കൽവർട്ടിന്‍റെ പണി നടക്കുന്നതിനാൽ അത്രയും ഭാഗത്ത് ടാറിങ് നടന്നിട്ടില്ല. റോഡിന്‍റെ ബാക്കി പണികൾ എന്ന്​ പൂർത്തീകരിക്കുമെന്നറിയാത്ത അവസ്ഥയിലാണ്​ നാട്ടുകാർ. ------ TC MChdy - 1പൂലാനി വി.ബി.യു.പി സ്കൂളിനു മുന്നിൽ ടാറിങ്​ നിർത്തി വെച്ച സ്ഥലം