പട്ടികജാതി ക്ഷേമസമിതി ലോക്കല്‍ സമ്മേളനം

ലോക്കല്‍ സമ്മേളനം ആമ്പല്ലൂര്‍: പട്ടികജാതി ക്ഷേമസമിതി പുതുക്കാട് ലോക്കല്‍ സമ്മേളനം കൊടകര ബ്ലോക്ക് ഓഫിസ് ഹാളില്‍ സംസ്ഥാന കമ്മിറ്റി അംഗം ഡോ. എം.കെ. സുദര്‍ശന്‍ ഉദ്ഘാടനം ചെയ്തു. പി.കെ.എസ് പുതുക്കാട് ലോക്കല്‍ കമ്മിറ്റി പ്രസിഡന്‍റ്​ കെ.എസ്. അജയന്‍ അധ്യക്ഷത വഹിച്ചു. എം.എ. ഫ്രാന്‍സിസ്, പി.വി. ബിജു, രേഖ വേലായുധന്‍, എ.എ. ശ്രീധരന്‍, സരിത രാജേഷ്, പി.വി. മണി, അമ്മിണി വാസു, സി.പി. സജീവന്‍ തുടങ്ങിയവര്‍ സംസാരിച്ചു. തൊഴിലുറപ്പ് തൊഴിലാളികൾക്ക്​ ജാതി തിരിച്ച് അക്കൗണ്ടുകളിലൂടെ കൂലി നല്‍കുന്ന രീതി പിന്‍വലിക്കുക, പഞ്ചായത്ത് അതിര്‍ത്തിയിലെ പട്ടികജാതിക്കാര്‍ക്ക് ഉപകാരപ്രദമായ ആധുനിക ക്രിമിറ്റോറിയം നിർമിക്കുക തുടങ്ങിയ പ്രമേയങ്ങള്‍ സമ്മേളനത്തില്‍ പാസാക്കി.