രാജ്യത്ത് മത തീവ്രവാദം വളരുന്നു -ആർ.എസ്.എസ്

അഹ്മദാബാദ്: മത തീവ്രവാദവും സാമുദായികജ്വരവും രാജ്യത്ത് വ്യാപിക്കുകയാണെന്ന് ആർ.എസ്.എസ്. ഭരണഘടനയുടെയും മത സ്വാതന്ത്ര്യത്തിന്റെയും മറവിലാണ് ഇതെന്നും അഹ്മദാബാദിൽ നടക്കുന്ന പ്രതിനിധി സഭ സമ്മേളനത്തിൽ അവതരിപ്പിച്ച സംഘടനയുടെ വാർഷിക റിപ്പോർട്ടിൽ ചൂണ്ടിക്കാട്ടുന്നു. വി​ദ്വേഷ പൂർണമായ അജണ്ടകളുമായി ഒരു പ്രത്യേക സമുദായം സർക്കാർ സംവിധാനങ്ങളിൽ നുഴഞ്ഞുകയറാൻ ശ്രമിക്കുന്നുണ്ട്. ഗൗരവതരമായ വെല്ലുവിളിയാണ് മത തീവ്രവാദം. ഹിജാബ് വിവാദത്തിനിടെ കർണാടകയിലും സമീപകാലത്ത് കേരളത്തിലും ഹിന്ദുസംഘടന പ്രവർത്തകർ കൊല്ലപ്പെട്ടതും റിപ്പോർട്ടിൽ സൂചിപ്പിക്കുന്നുണ്ട്.