പഞ്ചായത്തംഗം ഉള്‍പ്പടെ രണ്ടുപേര്‍ അറസ്റ്റില്‍  

ഉത്സവ സ്ഥലത്തെ സംഘര്‍ഷം: പഞ്ചായത്തംഗം ഉൾപ്പെടെ രണ്ടുപേര്‍ അറസ്റ്റില്‍ വെള്ളിക്കുളങ്ങര: ചെമ്പുചിറയിലെ ഉത്സവ സ്ഥലത്തുണ്ടായ സംഘര്‍ഷവുമായി ബന്ധപ്പെട്ട് പഞ്ചായത്തംഗം ഉൾപ്പെടെ രണ്ടുപേരെ വെള്ളിക്കുളങ്ങര പൊലീസ് അറസ്റ്റ്​ ചെയ്തു. മറ്റത്തൂര്‍ പഞ്ചായത്തംഗം അഭിലാഷ് (40), നാഡിപ്പാറ സ്വദേശി രാഹുല്‍ (25) എന്നിവരാണ് അറസ്റ്റിലായത്. നൂലുവള്ളി സ്വദേശി രൂപേഷിനെ ആക്രമിച്ചു പരിക്കേൽപിച്ചെന്ന പരാതിയെ തുടര്‍ന്നാണ് ഇവരെ അറസ്റ്റ്​ ചെയ്തതെന്ന് പൊലീസ് അറിയിച്ചു. രാഹുലിനെ കടിച്ചുപരിക്കേൽപിക്കുകയും ജാതിപ്പേര് വിളിച്ച് ആക്ഷേപിക്കുകയും ചെയ്തെന്ന പരാതിയില്‍ രൂപേഷ്, രതീഷ് എന്നിവര്‍ക്കെതിരെ കേസെടുത്തതായും പൊലീസ് പറഞ്ഞു.