ഗുരുവിന്‍റെ ഛായാചിത്രം അനാച്ഛാദനം ചെയ്തു

ഇരിങ്ങാലക്കുട: എസ്.എന്‍.ഡി.പി യോഗം മുകുന്ദപുരം യൂനിയൻ ഹാളില്‍ ശ്രീനാരായണ ഗുരുവിന്‍റെ ഛായചിത്രം പ്രസിഡന്‍റ്​ സന്തോഷ് ചെറാകുളം അനാച്ഛാദനം ചെയ്തു. വൈസ് പ്രസിഡന്‍റ്​ എം.കെ. സുബ്രഹ്മണ്യൻ അധ്യക്ഷത വഹിച്ചു. യോഗം കൗണ്‍സിലര്‍ പി.കെ. പ്രസന്നന്‍ മുഖ്യാതിഥിയായിരുന്നു. യോഗം സംഘടിപ്പിച്ച മെഗാ ഇവന്‍റില്‍ പങ്കെടുത്ത് ഗിന്നസിൽ ഇടംപിടിച്ച നര്‍ത്തകിമാര്‍ക്ക് സെക്രട്ടറി കെ.കെ. ചന്ദ്രന്‍ സര്‍ട്ടിഫിക്കറ്റ്​ വിതരണം ചെയ്തു. യോഗം ഡയറക്ടര്‍ കെ.കെ. ബിനു, യൂനിയന്‍ കൗണ്‍സിലര്‍മാരായ ഡോ. കെ.കെ. മോഹനന്‍, വി.ആര്‍. പ്രഭാകരന്‍, വനിത സംഘം പ്രസിഡന്‍റ്​ സജിത അനില്‍കുമാര്‍, സെക്രട്ടറി രമ പ്രദീപ്, വനിത സംഘം കേന്ദ്രസമിതി അംഗം മാലിനി പ്രേംകുമാര്‍, യൂത്ത് മൂവ്‌മെന്റ് യൂനിയന്‍ വൈസ് പ്രസിഡന്‍റ്​ രാഹുല്‍ അനില്‍കുമാര്‍ തുടങ്ങിയവര്‍ സംസാരിച്ചു.