യുവഗ്രാമം ജോഭവന്‍റെ കട്ടിളവെപ്പ്

കൊരട്ടി: കുടിൽരഹിത ചാലക്കുടി എന്ന സന്ദേശം ഉയർത്തിയുള്ള യുവഗ്രാമം എൻ.ജി.ഒയുടെ ജോഭവൻ പദ്ധതിയുടെ ഭാഗമായി കൊരട്ടി വാലുങ്ങാമുറിയിൽ നിർമിച്ച്​ നൽകുന്ന വീടിന്‍റെ കട്ടിളവെപ്പ്​ നടത്തി. 25 വർഷമായി ഷെഡ്‌ഡിൽ കഴിഞ്ഞിരുന്ന കുടുംബത്തിനാണ്​ വീട്​ നിർമിച്ച്​ നൽകുന്നത്​. ഫാ. തോമസ് പൈങ്ങോട്ട് വീടിന്‍റെ കട്ടിളവെപ്പ്​​ നിർവഹിച്ചു. യുവഗ്രാമം ചെയർമാൻ ഡെന്നിസ് കെ. ആന്റണി അധ്യക്ഷത വഹിച്ചു. ഗ്രാമപഞ്ചായത്തംഗം ജിസ്സി പോൾ, യുവഗ്രാമം ഡയറക്ടർമാരായ പി.ബി. രാജു, മനോജ്‌ നാല്പാട്ട്, വി.വി. വർഗീസ്, സജേഷ് നാലുകെട്ട്, അയ്യപ്പൻ വടയാകുളം, എം.എസ്. രാജു എന്നിവർ സംസാരിച്ചു. TCMChdy - 4 കൊരട്ടിയിൽ യുവ ഗ്രാമം നിർമിക്കുന്ന വീടിന്‍റെ കട്ടിള വെയ്ക്കുന്നു