വനിതദിന സെമിനാർ

വടക്കേക്കാട്: പഞ്ചായത്ത് കുടുംബശ്രീ വനിത ദിനാചരണത്തിന്റെ ഭാഗമായി സംഘടിപ്പിച്ച സെമിനാർ പ്രസിഡന്റ് ഫസലുൽ അലി ഉദ്ഘാടനം ചെയ്തു. സി.ഡി.എസ് ചെയർപേഴ്സൻ പ്രബീന അധ്യക്ഷത വഹിച്ചു. ഡോ. രമ്യ ക്ലാസെടുത്തു. കമ്യൂണിറ്റി കൗൺസിലർ നീതു, സി.ഡി.എസ് വൈസ് ചെയർപേഴ്സൻ ഷീബ എന്നിവർ സംസാരിച്ചു. മുതിർന്ന കുടുംബശ്രീ അംഗങ്ങളായ സൽമ, തങ്കമണി എന്നിവരെ വൈസ് പ്രസിഡന്റ് പൊന്നാട ചാർത്തി ആദരിച്ചു. 'നിലാവ്' സ്ത്രീ പദവി സാമൂഹിക പഠനം, സ്ത്രീപക്ഷ നവകേരളം കർമപദ്ധതി പുസ്തകങ്ങൾ പ്രകാശനം ചെയ്തു.