പുസ്തക പ്രകാശനവും ആദരവും

ചെന്ത്രാപ്പിന്നി: എടത്തിരുത്തി പഞ്ചായത്ത് കുടുംബശ്രീയുടെയും ജെൻഡർ റിസോഴ്സ് സെന്‍ററിന്‍റെയും സംയുക്താഭിമുഖ്യത്തിൽ വനിത ദിനത്തോടനുബന്ധിച്ച് സ്ത്രീപക്ഷ നവകേരള കാമ്പയിന്‍റെ ഭാഗമായി പുസ്തക പ്രകാശനവും വനിതകളെ ആദരിക്കലും സെൽഫ് ഡിഫൻസ് ക്ലാസും സംഘടിപ്പിച്ചു. എടത്തിരുത്തി പഞ്ചായത്ത് പ്രസിഡന്‍റ്​ ടി.കെ. ചന്ദ്രബാബു ഉദ്ഘാടനം ചെയ്തു. സി.ഡി.എസ് ചെയർപേഴ്സൺ ശ്രീദേവി ദിനേഷ് അധ്യക്ഷത വഹിച്ചു. ജില്ല പഞ്ചായത്തംഗം മഞ്ജുള അരുണൻ പുസ്തക പ്രകാശനം നടത്തി. പഞ്ചായത്ത് വൈസ് പ്രസിഡന്‍റ്​ ശ്രീദേവി ദിനേശ് വനിതകളെ ആദരിച്ചു. ജിജി ക്ലാസ് നയിച്ചു. സി.ഡി.എസ് വൈസ് ചെയർപേഴ്സൺ സുബൈദ അബ്ദുൽ ജബ്ബാർ, പഞ്ചായത്തംഗം ഹേന രമേശ്, നിഷിഷ വിപിൻ എന്നിവർ സംസാരിച്ചു.