പറപ്പൂക്കര പ്രൈമറി ഹെൽത്ത്​ സെന്‍റർ കുടുംബാരോഗ്യ കേന്ദ്രമായി ഉയർത്തും

പറപ്പൂക്കര പ്രൈമറി ഹെൽത്ത്​ സെന്‍റർ കുടുംബാരോഗ്യ കേന്ദ്രമായി ഉയർത്തും ആമ്പല്ലൂര്‍: പറപ്പൂക്കര പഞ്ചായത്തിലെ പ്രൈമറി ഹെല്‍ത്ത് സെന്‍റർ നവീകരണത്തിന്​ 19.90 ലക്ഷം രൂപ അനുവദിച്ചതായി കെ.കെ. രാമചന്ദ്രന്‍ എം.എല്‍.എ അറിയിച്ചു. സെന്‍റർ കുടുംബാരോഗ്യ കേന്ദ്രമായി ഉയർത്തുന്നതിന്‍റെ ഭാഗമായാണ്​ നവീകരണം. എം.എല്‍.എയുടെ പ്രത്യേക വികസന ഫണ്ടില്‍നിന്നാണ് ഇതിനായി തുക നീക്കിവെച്ചിട്ടുള്ളത്​. പഞ്ചായത്ത് സെക്രട്ടറിയാണ് നിര്‍വഹണ ഉദ്യോഗസ്ഥന്‍. ടെൻഡര്‍ നടപടികള്‍ ആരംഭിച്ചതായും എം.എല്‍.എ അറിയിച്ചു. എം.എല്‍.എ ഫണ്ട് അടക്കം 87 ലക്ഷം ചെലവിലാണ് ഇവിടം കുടുംബാരോഗ്യ കേന്ദ്രമായി മാറ്റുന്നത്​. മുന്‍ എം.എല്‍.എയുടെ ആസ്തി വികസന ഫണ്ടില്‍ നിന്ന്​ 20 ലക്ഷവും, എന്‍.എച്ച്.എമ്മിന്‍റെ 30 ലക്ഷവും, പഞ്ചായത്തിന്റെ 17 ലക്ഷവും ഇതുവരെ ചെലവാക്കിയിട്ടുണ്ട്. തുടർ പ്രവൃത്തികള്‍ക്കാണ് ഫണ്ട് അനുവദിച്ചിട്ടുള്ളത്.