കുഴികള്‍ നിറഞ്ഞ് കൊടകര-ആളൂര്‍ റോഡ്

കൊടകര: കൊടുങ്ങല്ലൂര്‍-കൊടകര സംസ്ഥാന പാതയില്‍ കൊടകര മുതല്‍ ആളൂര്‍ വരെ കുഴികള്‍ നിറഞ്ഞത് യാത്രക്കാര്‍ക്ക് ദുരിതമായി. ദേശീയപാതയിലെ കൊടകരയില്‍നിന്ന് മാള, കൊടുങ്ങല്ലൂര്‍, ഇരിങ്ങാലക്കുട എന്നിവിടങ്ങളിലേക്ക്​ നൂറുകണക്കിന് വാഹനങ്ങള്‍ പോകുന്ന ഈ റോഡില്‍ നിരവധി കുഴികളാണുള്ളത്. പൊതുമേഖല സ്ഥാപനമായ കേരള ഫീഡ്‌സ് അടക്കമുള്ള സ്ഥാപനങ്ങളിലേക്ക് ചരക്കുവാഹനങ്ങള്‍ എത്തുന്നതും ഈ റോഡിലൂടെയാണ്. ഏതാനും വര്‍ഷം മുമ്പ് മെക്കാഡം ടാറിങ്​ നടത്തി നവീകരിച്ചതാണ് റോഡ്. ആളൂര്‍ പുലിപ്പാറകുന്ന്, വഴിയമ്പലം എന്നിവിടങ്ങളിലാണ് വലിയ കുഴികളുള്ളത്. മഴക്കാലത്ത് രൂപപ്പെട്ട കുഴികള്‍ അടക്കാൻ ഇനിയും അധികൃതര്‍ നടപടിയെടുത്തിട്ടില്ല. TCM KDA 1 aloor road കുഴികള്‍ നിറഞ്ഞ കൊടകര-ആളൂര്‍ റോഡ്